Luka 13:21 - Tedim Bible

²¹ Nupi khat in annel lom sungah a sawh silngo tawh kibang hi. Tua silngo in a annel lom khempeuh a pawmsak hi,” a ci hi.

Tedim Bible Revision 2017

²¹ Nupi khat in annel lom sungah a sawh silngo tawh kibang hi. Tua silngo in a annel lom khempeuh a pawmsak hi,” a ci hi.

Luka 13:21 Referans Kwoze

Mattiu 13:33

Tua ciangin thugentehna khat mah gen leuleu a, “Vantung ki-ukna pen bang tawh kibang hiam cih leh, nupi khat in annel seu thum dim meek manin silngo sawh a, a vekpi-in silngo in zelin a pawmsak tawh kibang hi,” a ci hi.

1 KORIN MASA 5:6

Note lakah hih bang gamtatna om napi-in na kisaktheih uh dahhuai mahmah hi. Silngo themkhat in annel lompi a pawmsak theih lamtak thei lo na hi uh hiam?

Jeim 1:21

Tua ahih manin ngeina hoih lote le gamtat siate khempeuh nusia unla, Pasian’ thu mangin note’ lungsim sungah a hong koih thu zui un. Tua thu in note hong honkhia thei hi.

Filippi 1:6

Note sungah hih nasep hoih a hong pankhia Pasian in Jesuh Khrih hong paikik hun ciang dong, mi cingtaak na hih nadingun hong huh ding hi, ci-in teltakin ka thei hi.

Johan 15:2

Amah in gah a nei lo ka hiang khempeuh satkhia a, gah a nei hiangte ahihleh a gah semsem theih nadingin a puah hi.

Johan 4:14

ahi zongin keima piak ding tui a dawn khempeuh dangtak kik nawn lo ding uh hi. Tua ka piak tui a dawnte sungah nuntakna tuinak piang ding a, a nungtasak paisuak ding hi,” a ci hi.

Hosea 6:3

Topa i theihzawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah pel loin hong zuk bangin eite kiangah amah hong pai hamtang ding hi,” a ci ding uh hi.

Paunak 4:18

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi.

JOB (Job) 17:9

Mite’ zahtaka a kinei mite in amau’ ngaihsutna uh man mahmah sa semsem uh hi.

Luka 13:20

Tua ciangin Jesuh in, “Pasian’ Ukna bang tawh genteh leuleu ding ka hi hiam cih leh: