Luka 13:15 - Tedim Bible

¹⁵ Tua ciangin Topa in amah dawng a, “No a kineihkhem mite aw, note in Sabbath ni mahin zong na bawngte uh ahi a, na late uh ahi zongin a buk panin na khihna khaute uh sutin, tui pia dingin paipih hi lo na hi uh hiam?

Tedim Bible Revision 2017

¹⁵ Tua ciangin Topa in amah dawng a, “No a kineihkhem mite aw, note in Sabbath ni mahin zong na bawngte uh ahi a, na late uh ahi zongin a buk panin na khihna khaute uh sutin, tui pia dingin paipih hi lo na hi uh hiam?

Luka 13:15 Referans Kwoze

Luka 14:5

Tua ciangin Jesuh in amaute kiangah, “Note khatpeuh’ tapa ahi a, na bawngtal uh ahi zongin tuikhuk thukpi sungah Sabbath ni-in kia leh, Sabbath ni hinapi-in kaikhia veve ding hi lo na hi uh hiam?” a ci hi.

Mattiu 23:28

Tua mah bangin note zong mite’ muhin mihoih mahmah bang napi-in na sung tawng taktak uhah mawhna le kineihkhemna bek a om hi.

Luka 12:1

Mi a tul tampite hong kikhawmin khatlekhat a kisikkha gawp dongin kinehcipin a om laitakin Jesuh in a nungzuite kiangah thu gen masa a, “Farisi mite’ kineihkhemna ahi, a silngo uh limtakin kidawm un.

Luka 6:42

Na mit sunga singluang hong tang nangawn mu lo napi-in, ‘Lawm aw, na mit sunga ninthem tang hong lakkhiatsak ning,’ ci-in na lawmte kiangah bangci gentheih ding na hi hiam? No a kineihkhemte aw, na mit sung uha singluang tang lakhia masa le-uhcin, na lawmte uh mit sunga ninthem tang mu-in na lakhia thei pan ding uh hi.”

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kiakhawm ding uh hi,” ci-in a dawng hi.

Mattiu 15:7

Na tungthamun mihoih a kineihkhem mite aw, Isaiah in note’ thu a genna man mahmah hi. Tua a genna-ah,

Mattiu 7:5

No a kineihkhem mite aw, note’ mit sunga singluang tang lakhia masa le-uhcin, na lawmte uh mit sunga ninthem tang na lakkhiat theihna dingun hoihtakin khua na mu thei pan ding uh hi.

Isaiah 29:20

Bang hang hiam cih leh kampauna tawh a khialh nadingun mite bawlin, kongpi sungah mi a thuhilhpa thang siahin, a thuman mipa pen zuauthu tawh a heikhia, thukhual lo mite a mawkna suakin, mi a thusim lo mite bei-in, siatna hih ding a sawm mite khempeuh kisusia ding hi.

Paunak 11:9

Pasian a ngaihsun lo mite’ thugenna hangin mite in siatna thuak a, midikte’ pilna hangin mite in hotkhiatna ngah uh hi.

JOB (Job) 34:30

Migilote hong uksak taleh zong, tua panin suahtakna ding kuamah in vaihawm zo lo ding hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Luka 7:19

Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh adang na lamen lai ding ka hi uh hiam?” ci-in a dong dingin a sawl hi.