Luka 12:7 - Tedim Bible

⁷ Na lutung uha om na sammal zah ciat nangawn uh Pasian in thei khin hi. Note lunghimawh kei un. Gitta tampi sangin na manphazaw ciat uh hi.

Tedim Bible Revision 2017

⁷ Na lutung uh a om na sam mal zah ciat nangawn uh Pasian in thei khin hi. Note lunghimawh kei un. Gitta tampi sangin na manpha zaw ciat uh hi.

Luka 12:7 Referans Kwoze

Mattiu 6:26

“Vanah a leeng vasate ngaihsun dih un: Amaute in khai tuh lo, an zong la lo, sal sungah zong khol lo napi-in vantungah a om na Pa un tuate a nek ding uh tasamsak lo hi. Tua vasate sangin note manphazaw thampek hi lo na hi uh hiam?

Luka 21:18

Ahi zongin na samzang khat nangawn uh mangthang lo ding hi.

2 SAMUEL NIHNA 14:11

Tua ciangin amah in, “Phulapa in that nawn loin, ka tapa a kisuksiat loh nadingin kumpipa in Topa na Pasian’ tungah na kiciam ding kong thum hi,” a ci hi. Amah in, “Topa a nungta ahih mah bangin na tapa’ samzang khat zong lei-ah kialo ding hi,” ci-in a kiciam hi.

1 SAMUEL MASA 14:45

Tua ciangin mite in Saul kiangah, “Israel-te sungah hih gualzawhna lian a piangsak Jonathan si ding ahi hiam? Hi dek peuhmah lo ding! Topa a nuntak mah bangin, a lu tunga samzang khat zong leilakah kialo ding hi; bang hang hiam cih leh amah in Pasian tawh tuni-in tua thu piangsak hi,” a ci uh hi. Tua ahih ciangin mite in Jonathan honkhia uh a, amah si lo hi.

Sawltak 27:34

An na nek nadingun ka hong thum hi. An ne loin na nungta zo kei ding uh hi. Tutungin bangmah na ci peuhmah kei ding uh hi,” a ci hi.

Late 8:6

Na khut tawh na bawlsate khempeuh tungah ukna thu ama tungah na pia a, na khempeuh na uksak hi.

Mattiu 12:12

Mi pen tuu sangin nakpitakin manphazaw ahih manin Sabbath ni-in a hoih sep ding a kilawm ahi hi,” ci-in a dawn khit ciangin

JOB (Job) 35:11

Eite mipilin a hong bawl, ganhingte le vasate sangin a pilzaw-in a hong bawl Pasian’ lam nga lo uh hi.