Luka 12:5 - Tedim Bible

⁵ Kuate kihta ding na hi uh hiam cih leh, mite in a thah khitsa mipa pen hell khuk sungah a khiathuah theilai Pasian na kihta un.

Tedim Bible Revision 2017

⁵ Kuate kihta ding na hi uh hiam cih leh, mite in a thah khit sa mipa pen hell khuk sungah a khia thuah thei lai Pasian na kihta un.

Luka 12:5 Referans Kwoze

2 PETER NIHNA 2:4

Bang hang hiam cih leh vantung mite nangawn in khialhna a neih ciangin Pasian in khahkhong loin hell khuk sungah khia a, Thukhen Ni hun dong ngakin khuamial sungah kol bulhsa-in a omsak hi.

Mattiu 10:28

Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihtazaw un.

Mangmuhna 14:7

Amah nakpitakin kiko a, “Amah in mihingte thu a khen ding hun hong tungta ahih manin Pasian kihta unla amah phat un. Van le lei, tuinak le tuipite a bawlpa hong bia ta un,” a ci hi.

Hebru 10:31

A nungta Pasian’ khut sungah thumang loin i tunkhak ding a lauhuai mahmah ahi hi.

Late 9:17

Pasian a mangngilh minam khempeuh sung panin migilote, Leinuai-ah pai ding uh hi.

Paunak 14:26

Topa a zahtak mi in lungmuanna nei a, a tate’ belhtheih ding mi kician ahi hi.

Mangmuhna 20:14

Tua ciangin Sihna le Misite’ Gam, meiphualpi sungah a kilawn hi. Hih meiphualpi pen sihna nihna ahi hi.

1 THESALONIKA MASA 4:6

Hih bang thute-ah kuamah in Khrih sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauhtakin note kiangah ka hong genkhol khinzo uh hi.

Mattiu 25:41

“Tua ciangin a veilamah a om mite kiangah, ‘Pasian in a samsiat mite aw, keima kiang panin paikhia unla, Dawimangpa le a nungzuite a dingin a kibawl meikuang tawntung sungah pai un.

Mangmuhna 15:4

Topa aw, nang, kua in hong kihta lo ding a, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai-ah hong bia ding uh hi,” a ci uh hi.

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Jeremiah 5:22

kei hong kihta lo na hi uh hiam, Topa in kong ci hi. Keima mai-ah ling lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin’ zuazua uh hangin kantanzo tuan lo uh hi.

Mattiu 25:46

Tua ahih ciangin tawntung gimthuakna sungah amaute pai ding uh a, mihoihte ahihleh nuntak tawntungna sungah lut ding uh hi,” a ci hi.

Jeremiah 10:7

Gam khempeuhte’ Kumpipa aw, nang a hong kihta lo ding kua om ahi hiam? Nang, kihtak ding mah na hi hi. Bang hang hiam cih leh leitung mipil khempeuhte le amau’ gam sung khempeuh lakah nang tawh a kibang kuamah om lo hi.

Marka 13:23

Tua ahih manin kidawm un! A hun ma-in kong genkhin hi.

Jeremiah 41:18

Bang hang hiam cih leh Babylon mite a kihta uh hi. Babylon kumpipa in gam uk dingin a koih Ahikam’ tapa Gedaliah pen Nethaniah’ tapa Ishmael in suamlum ahih manin a kihta uh ahi hi.