Luka 12:41 - Tedim Bible

⁴¹ Peter in, “Topa aw, hih thugentehna ko bek nong cihna ahi hiam, ahih kei leh mi khempeuh a’ ding na cihna ahi hiam?” ci-in a dong hi.

Tedim Bible Revision 2017

⁴¹ Peter in, “Topa aw, hih thu gentehna ko bek nong cihna ahi hiam, ahih kei leh mi khempeuh ading na cihna ahi hiam?” ci-in a dong hi.

Luka 12:41 Referans Kwoze

Marka 13:37

Note tungah kong gen mah bangin mi khempeuh tungah zong, ‘Ngakin na pilvang un,’ ka ci hi,” a ci hi.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.

Marka 14:37

Tua ciangin hong pai a, a nungzui thumte ihmu-in om a muh ciangin Peter kiangah, “Simon aw, ihmu na hi uh hiam? Nai khat sung nangawn hong ngak zo lo liang na hi uh hiam?” a ci hi.

Luka 12:47

A topa’ deihna thei napi-in a topa’ deih bangin a gamta nuam lo nasem pa pen nakpitakin kisat ding hi.

Luka 12:48

Ahi zongin a topa’ deihna a theih lohna hangin satthuak nading a gamtakha nasem pa pen kidamsat zawdeuh ding hi. Tampi a kipiakna pa tung pan tampi kikal ding a, a tamzaw a ki-apna pa tung pan a tamzaw kikal ding hi,” ci-in a dawng hi.