Luka 12:21 - Tedim Bible

²¹ Tua ciangin Jesuh in a thugen a khupna-in, “Tua mah bangin amau a’ ding bekin a kholcipte pen Pasian’ muhna panin mihau hi lo uh hi,” a ci hi.

Tedim Bible Revision 2017

²¹ Tua ciangin Jesu in a thugen a khupna-in, “Tua mah bangin amau ading bekin a kholcipte pen Pasianʼ muhna panin mihau hi lo uh hi,” a ci hi.

Luka 12:21 Referans Kwoze

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

Luka 12:33

Na neihsa uh zuak unla, mizawngte tungah tua sumte na pia un. Note a dingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei hetloh nading mun vantungah na sumte uh na khol un.

Mangmuhna 2:9

Na lungkhamnate uh le na zawnnate uh ka thei hi. A taktakin note a hau na hi uh hi. Jew mi hi lo napi-in Jew mi ka hi uh hi, ci-in note a hong gensiatnate uh ka thei hi. Tua bang mite pen Satan’ pawlte ahi uh hi.

Habakkuk 2:9

Mi’ van na suhna uh tawh na mite uh hausakin, lauhuaina le siatna a ngah loh nadingin na innkuan uh bawl na hih manun gim na ngah ding uh hi.

Hosea 10:1

Israel mite ahihleh a gahpha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoihbawl semsem uh hi.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Luka 16:11

Hih leitung sumte-ah na cihtak kei uhleh kua in no tungah vantung sum hong ap ngam ding ahi hiam?

Luka 6:24

“Ahi zongin tuhunin a hau note in nopsakna ngahkhin na hih manun gimna na thuak ding uh hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Paunak 13:7

Mi pawlkhatte, zawng napi-in kihausak uh a, mi pawlkhatte, hau napi-in kizawngsak uh hi.

1 TIMOTI MASA 6:9

Ahi zongin a haunuam mite in ze-etna a tuamtuam thuak a, duhhopna, huaihamna a haivai thute-ah awkcipin, haksatna le siatna a tuahlawh uh hi.