Luka 12:20 - Tedim Bible

²⁰ Ahi zongin Pasian in ama kiangah, ‘Mihai pa aw, tuzan mahmahin na si ding hi. Hih na neihsa teng kua’n zang nawn ding ahi hiam?’ ci hi,” a ci hi.

Tedim Bible Revision 2017

²⁰ Ahi zongin Pasian in ama kiangah, ‘Mihai pa aw, tu zan mahmah in na si ding hi. Hih na neihsa teng kuaʼn zang nawn ding ahi hiam?’ ci hi,” a ci hi.

Luka 12:20 Referans Kwoze

Jeremiah 17:11

Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khanlai-in a neihsa teng taan ding a, a tawpna-ah mihaipi a suak ding hi.

JOB (Job) 27:8

Pasian in amaute’ nuntakna a laksak hun ciangin, migilote a dingin lametna om nawn ahi hiam?

1 TIMOTI MASA 6:7

A taktakin ci lehang, leitungah mihingin i suah laitakin sumlepai tawh i suak kei a, i sih ciangin zong leitung panin bangmah i keng thei tuan kei hi.

Late 39:6

Niliim bangin mihing pai kawikawi takpi hi. A mawkna-in amau lungkham takpi uh a, kua’ ngah ding cih thei lopi-in mite in na a khol uh hi.

Jeim 4:14

Zing ciangin na nuntakna uh bangci ding cih nangawn na thei kei uh hi. Meiilum tawlkhat sung kaii-in a mangthang pak tawh a kibang lel na hi uh hi.

1 THESALONIKA MASA 5:3

Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.

Luka 11:40

No mihaite aw, a pualam a bawlpa in a sunglam zong bawl hi lo ahi hiam?

Late 73:19

Tomno sungin amaute kisusia-in, lau mahmahna in amaute nilkhiamang ding hi.

Nahum 1:10

Amaute, linglom bangin om uh a, zulesa tawh kidiahin a om laitakun ham bangin kihaltum ding hi.

Paunak 28:8

A meet a pung lakna tawh a hau mipa pen mizawngte a hehpih mipa a dingin sum a zonsak hi lel hi.

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

Late 78:30

Ahih hangin amaute in a duh pen uh a kham ma, amau’ kam sungah an a omlaipi mahin,

Esther 5:11

ama hauhna teng, a tapa neih teng, kumpipa in amah a pahtak manin a za a khansakna teng, le kumpipa’ nasemte le ulian dangte khempeuh sangin a lianzaw-in amah a koihna thute khempeuh amaute tungah genin a lak hi.

Late 49:10

Amah in a pilte nangawn a si mu ding a, a haite le a tei lote a kibangin sia-in, amau’ neihsa khempeuh midangte’ tungah nusiat uh hi.

Paunak 10:2

Thuman loin ngahna-ah phattuamna om lo a, thumanna in sih nading pan hong hon hi.

Paunak 13:7

Mi pawlkhatte, zawng napi-in kihausak uh a, mi pawlkhatte, hau napi-in kizawngsak uh hi.

Paunak 27:1

Zing ciang hun ading kima-sialh kei in. Tuhun le tua hun kikalah a piang ding thu bangmah na thei kei hi.

Isaiah 56:12

Amaute in, “Hong pai un, leenggahzu nene ni; khamtheihzu dawndawn ni. Zing ciangin zong tuni sangin nuamzaw lai ding hi,” a ci uh hi.

Amos 6:13

Lodebar khua bang lel na lakzawhna uhah na lungdam uh a, “Eima thahatna tawh Karnaim khua i lazo hi,” na ci uh hi.

1 TIMOTI MASA 6:17

Tuhuna a hau mite kisatheikha loin, a kip lo hauhnate muan le suanin neikha loin, eite in nuamtakin i zat theih dingin citna tawh a hong pia Pasian a muan a suan nadingun na hilh in.