Luka 12:2 - Tedim Bible

² A kiseelte khatvei teitei kimu ding a, thusimte khatvei teitei thulang suak ding hi.

Tedim Bible Revision 2017

² A kiseelte khatvei teitei kimu dinga, thusimte khatvei teitei thulang suak ding hi.

Luka 12:2 Referans Kwoze

Marka 4:22

Thusimin a kikoih peuhmah khatvei teitei thulang a suak ding, a kiseel peuhmah khatvei teitei a kipholak ding, cih deihna simloh bang dang om ahi hiam?

Luka 8:17

Bang hang hiam cih leh, thusimin a kikoih peuhmah, khatvei teitei thulang a suak lo ding, a kiselcip peuhmah, khatvei teitei a kipholak lo ding, bangmah om lo hi.

2 KORIN NIHNA 5:10

Bang hang hiam cih leh Khrih mai-ah thusitna a thuak dingin eite khempeuh a kilak ding ihi a, leitung i pumpi-in i omlai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Thuhilh-sia 12:14

A pha hitaleh a sia hitaleh a simthamin i hih simte nangawn i hihna khempeuhah Pasian in thu hong khen ding hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

ROM (Romans) 2:16

Tua ahih ciangin Pasian in mihingte lungsim sunga a ngaihsutnate uh, Jesuh Khrih thu a khensak Ni ciangin, tu-a ka hong gen bang teekteekin a hong piang ding ahi hi.

Jeremiah 16:17

Bang hang hiam cih leh a omdan khempeuh uh ka mitin ka mu a, kei’ kiang panin a kiseel bangmah om lo hi. A khialhna khempeuh uh zong ka mu hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhnate phawkin tua mawhnate hangin amaute gim ka pia ding hi. Egypt-ah amaute ka sawlkik ding hi.