Luka 12:16 - Tedim Bible

¹⁶ Tua ciangin Jesuh in amaute kiangah thugentehna khat gen a, “Mi hau pa khat’ lo-ah an tampi a piang hi.

Tedim Bible Revision 2017

¹⁶ Tua ciangin Jesu in amaute kiangah thu gentehna khat gen a, “Mihau pa khatʼ lo ah an tampi a piang hi.

Luka 12:16 Referans Kwoze

Hosea 2:8

Ama tungah an, leenggahzu, le oliv thau ka piakna, le Baal pasian biak nadingin a zat ngun le kham tampi tak a piapa ka hihlam hong phawkkha lo hi.

Late 73:12

Amaute migilo ahi uh hi. A tawntungin nuamtakin om hithiat uh a, amaute a hauhna uh khang semsem zaw lai hi.

Late 73:3

Bang hang hiam cih leh migilote’ daupaina ka muh ciangin mi kihisakte ka eng hi.

JOB (Job) 12:6

Guta mite nuamtakin om hithiat uh a, Pasian a simmawhte nuamtakin nungta uh hi.

Sawltak 14:17

Ahi zongin amah in a bangci Pasian hiam cih hong lahna-in mite a dingin na hoihnono a hong pia hi. Amah in van panin guah hong zusakin, a hun hunin anlak hun ding hong tungsak hi. Amah in note’ nek ding an hong pia a, lungdamin a hong omsak hi,” a ci uh hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Ezekiel 16:49

Na sanggamnu’ mawhna pen: Amah le a tanute in nek ding tampi nei-in nuamsa mahmahin, daitakin om uh ahih manin amaute kiphasak uh a, a zawng a cimawhte don lo uh hi.

Mattiu 13:8

Ahi zongin pawlkhatte, lei hoihna mun tu-in hong khang hi. Pawlkhatte in a zah zakhat, pawlkhatte in a zah sawmguk, adangte in a zah sawmthum a gah hi,” ci-in a gen khit ciangin,

Luka 12:15

Tua ciangin Jesuh in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzahta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Luka 12:17

Tua ciangin amah in a lungsim sungah, ‘Ka an khempeuh ka koih nading mun kicing lo ahih manin bangcih ding ka hi hiam?

JOB (Job) 24:23

Pasian in a lungnuamin amah nungtasak a, ahi zongin Pasian in amah encik tawntung hi.