Luka 12:11 - Tedim Bible

¹¹ Thusitna a thuak dingin kikhopna inn-ah ahi a, hausa zumah ahi zongin hong paipih uh ciangin bang gen ding a, bangci kihut ding ka hi hiam, ci-in lunghimawh kei un.

Tedim Bible Revision 2017

¹¹ Thusitna a thuak dingin kikhopna inn ah ahi a, hausa zumah ahi zongin hong paipih uh ciangin bang gen dinga, bangci kihut ding ka hi hiam, ci-in lunghimawh kei un.

Luka 12:11 Referans Kwoze

Luka 12:22

Tua ciangin Jesuh in a nungzuite kiangah, “Tua ahih ciangin note kiangah kong genin-ah: I nuntak nadingin bang ne ding a, i pumpi tungah bang silh ding ihi hiam, ci-in lunghimawh kei un.

Mattiu 23:34

Note kiangah kamsangte, mipilte, le siate ka hong paisak ding hi. Note in pawlkhatte thatin, pawl khatte singlamteh tungah khai-in, pawlkhatte na kikhopna uh inn sungah na sat ding uh a, khua khat pan khua khatah a banbanin na bawlsia ding uh hi.

Paikhiatna 4:12

Tua ahih ciangin tu-in pai in. Keimah in na thugenna-ah kong huh ding a, na thugen ding nang kong hilh ding hi,” a ci hi.

Mattiu 6:25

“Tua ahih ciangin note kiangah kong genin-ah: Na nuntak nadingun bang ne-in bang dawn ding cih ahi a, na pumpi uh a dingin bang silh ding cih ahi zongin lunghimawh lua kei un. Nuntakna pen an sangin thupizaw a, pumpi pen puan sangin thupizaw hi lo ahi hiam?

Mattiu 6:27

Na lunghihmawh manun kua in na khan uh kum bangzah sotto thei na hi uh hiam?

Mattiu 6:28

Bang hangin puansilh ding lunghimawh na hi uh hiam? Gamlak a om paakte a nuntakzia ngaihsun dih un: Amaute in amau a dingin na lah sem lo, khau zong kheek lo napi-in,

Mattiu 6:31

Tua ahih manin bang ne ding a, bang dawn ding a, bang silh ding ihi hiam, ci-in lunghimawh lua kei un.

Mattiu 6:34

“Tua ahih manin zing ciang huna ding ma lungkham masa kei un. Zing ciang thu ding ama thu-in omsak lel un. Tuni thu pen tuni thu mah tawh beisak unla, lungkham ding behlap se kei un.