Luka 11:43 - Tedim Bible

⁴³ “No Farisi mite in gimna na thuak ding uh hi. Kikhopna inn sungah tutphah nuampen ah na tunuam uh a, mihon lakah hong kizahtak hopih ding na ut uh hi.

Tedim Bible Revision 2017

⁴³ “No Farisi mite in gimna na thuak ding uh hi. Kikhopna inn sungah tutphah nuam pen ah na tu nuam uh a, mihon lakah hong kizahtak hopih ding na ut uh hi.

Luka 11:43 Referans Kwoze

Luka 20:46

“Thukham hilh siate na batkhak loh nadingun kidawm un. Amaute in puantualpi silhnuam uh a, mihon lakah a kizahtak hopih ding deihin, kikhopna innsung le pawi lakah a om uh ciangin uliante’ tutna mun hoihte bekah tunuam uh hi.

3 JOHAN THUMNA 1:9

Na pawlpite kiangah lai ka gelh ngei hi. Ahi zongin na pawlpi sungah milian pen a ut Diotrefes in ka thugen hong mang nuam lo hi.

Filippi 2:3

Huaihamna lungsim le kisialh nopna lungsim tawh bangmah gamta kei un. Kiniamkhiat ciat unla, midangte thupi ngaihsutzaw un.

ROM (Romans) 12:10

Unau ki-itna lungsim nei unla, khatlekhat kizahtak bawl ding lamsang kidem un.

Paunak 16:18

Kisaktheihna in siatna hong tuaksak a, kiphatsakna in pukna hong piangsak hi.

Mattiu 11:16

“Ahi zongin tuhun mite bang tawh genteh ding ka hi hiam cih leh: Mihon omna lamkabomah a tu naupang a kimawlte tawh kibang uh hi. Naupang honkhat in a lawmte kiangah,