Luka 11:41 - Tedim Bible

⁴¹ Ahi zongin na hai leh na kuang sung uhah a omte pen itna tawh mizawngte tungah pia le-uhcin, note a dingin na khempeuh hong siang ding hi.

Tedim Bible Revision 2017

⁴¹ Ahi zongin na hai leh na kuang sung uh ah a omte pen itna tawh mizawngte tungah pia le-uhcin, note adingin na khempeuh hong siang ding hi.

Luka 11:41 Referans Kwoze

Luka 12:33

Na neihsa uh zuak unla, mizawngte tungah tua sumte na pia un. Note a dingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei hetloh nading mun vantungah na sumte uh na khol un.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.

Titu 1:15

Lungsim siangthote a dingin na khempeuh a siang hi a, ahi zongin thu um lote a lungsim ngaihsutnate uh siakhin ahih manin amaute a dingin a siang bangmah om lo hi.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Sawltak 10:15

A awging in ama kiangah, “Pasian in a siangin a gensa khat peuhpeuh a ninin ngaihsun kei in,” a ci leuleu hi.

Luka 16:9

“Note kiangah kong genin-ah, hih na leitung sum uh a bei ciangin tawntung nuntakna inn-ah hong kilutsak theih nadingin lawm zonna-in hih leitung sumte na zang un.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Paunak 14:31

Mizawngte bawlsiatna pen a piangsak Pasian simmawhna hi a, mizawngte tungah citna pen Pasian zahtakna ahi hi.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

2 KORIN NIHNA 8:12

Piaknopna lungsim na neih nak-uhleh na neih lohnate uh siksan hi loin na neihna uh tawh kizui-in na piak uh Pasian in hong sang ding hi.

Luka 19:8

Tua ciangin Zakkhias dingin Topa kiangah, “Topa aw, ka neihsa a kimkhat mizawngte tungah ka pia ding hi. Mi khatpeuh khemin a na ka laksak leh a zah li-in ka lohkik ding hi,” a ci hi.

Luka 18:22

Jesuh in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Mattiu 5:42

Mi khat peuhpeuh in na khat peuhpeuh hong nget leh na pia inla, nang kiang panin na a hong leitawi mite na pia in.

Late 112:9

Amah in hawmkhia zuahzuah a, mizawngte tungah a piakhia hi. Ama migitna kip tawntung a, amah vanglianin kipahtawi ding hi.

Late 41:1

Mi genthei a khualte thupha ngah ahi hi. Topa in haksatna hunah amaute honkhia ding hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huhtheih lai nadingin thatang tawh nasep ding kipan ta uh hen.

Sawltak 11:29

Tua lai-a om thu um mite in amau hihzawh zah ciat hanciamin Judea gam a om thu um mite kiangah huhna a puak nading uh a vaihawm uh hi.

Mattiu 26:11

Mizawngte pen note tawh hong omkhawm tawntung ding a, ahi zongin note tawh kei ka hong omkhawm tawntung kei ding hi.

Sawltak 24:17

“Jerusalem panin kum tampi sung ka paikhiat khit ciangin ka mipihte a kihuhna sumte a puak ding le gan go-in Pasian a bia dingin Jerusalem-ah ka pai hi.

Paunak 16:6

Thumanna le cihtakna mawhmai ngahna hi a, Topa zahtakna siatna tawh kipelhna ahi hi.

Marka 7:19

A lungsimah tum loin a gil sung bekah tum ahih manin tua panin kithakhia lel hi. (Hih bang a gen ciangin an khempeuh nek dingin a siangtho ahi hi, ci-in Jesuh in a gen ahi hi.)