Luka 11:26 - Tedim Bible

²⁶ Tua ciangin amah paikhia kikin, amah sangin a siazaw dawi sagih hong paipih a, a sungah lutin a teng uh hi. Tua mipa’ pianzia pen a masa sangin hong siazaw hi,” a ci hi.

Tedim Bible Revision 2017

²⁶ Tua ciangin amah pai khiakikin, amah sangin a sia zaw dawi sagih hong paipih a, a sungah lutin a teeng uh hi. Tua mipaʼ pianzia pen a masa sangin hong sia zaw hi,” a ci hi.

Luka 11:26 Referans Kwoze

Johan 5:14

Tua khit ciangin Jesuh in biakinn sungah tua cina dam pa mukik a, ama kiangah, “Tu-in na dam khinta hi. Mawhna bawl nawn kei in. Tua hikeileh a siazaw khat na thuak ding hi,” a ci hi.

Mattiu 12:45

Tua ciangin va paikik a, amah sangin a siahuaizaw dawi sagih hong tunpihin tua mipa sungah a teng uh hi. Tua ahih manin tua mipa pianzia pen a masa huna sangin a siazaw hi. Tua ahih ciangin tuhuna migilote zong hih mipa’ pianzia mah tawh kibang ding uh hi,” a ci hi.

1 JOHAN MASA 5:16

Mi khatpeuh in a Khristian mipihte a sih nading zah ciang ahi lo mawhna a gamta a muh leh ama a dingin thu ngetsak tahen. Ama thungetna bangin Pasian in a nuntakna suksak lo ding hi. Hih pen sihna zah ciang mawhna a hilote ka cihna ahi hi. Ahi zongin sih nading zah ciang ahi mawhna om a, tuate a’ ding ngetsak un, a ci ka hi kei hi.

Zefaniah 1:6

Lam pialin, kei hong zui nawn lote, thudong dingin kei kiangah hong pai nawn lote, ka susia ding hi,” a ci hi.

Mattiu 23:15

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in mi khat bek nangawn na ngah zawh nading uh na hanciamna un leitung tuitung lumletin khual na zin uh a, na ngahsunte uh zong note zah nihin a siahuai, hell khuk tung ding mi na suah uh hi.

Luka 11:25

A hong tunkik ciangin hoihtakin kiphiat siangin a hoih linlianin a mu hi.

Luka 11:27

Jesuh in hih thu a genkhit ciangin mihon lak panin numei khat hong paukhia a, “Nang hong paii numei, a nawi na teep numei, mi hampha mahmah ahi hi,” a ci hi.