Luka 11:20 - Tedim Bible

²⁰ Note’ ngaihsut bang hi loin, ke’n Pasian’ vangliatna tawh dawite hawlkhia ka hih manin, note kiangah Pasian’ Ukna hun hong tungta ahihna phawk un.

Tedim Bible Revision 2017

²⁰ Noteʼ ngaihsut bang hi loin, keʼn Pasianʼ vangliatna tawh dawite hawl khia ka hih manin, note kiangah Pasianʼ Ukna hun hong tung ta ahihna phawk un.

Luka 11:20 Referans Kwoze

Paikhiatna 8:19

Mitphial siamte in Faro’ kiangah, “Hih pen Pasian’ nasepna ahi hi,” ci uh hi. Ahih hangin Faro’ lungsim khauh a, Topa’ gensa bangin amah in amaute’ thu ngai lo hi.

Mattiu 12:28

Note’ ngaihsut bang hi loin, Pasian’ Kha in dawi hawlkhiat nading vangliatna kei tungah hong pia ahih manin note lakah Pasian’ ukna hun hong kipan khin ahihna hong kilang hi.

Luka 10:9

tua khuasunga cinate damsak un. A khuamite kiangah, ‘Pasian’ Uk nading hun note a dingin hong naita hi,’ ci-in gen un.

Mattiu 3:2

“Vantung ki-ukna hun hong naita ahih manin na mawhnate uh kisik kik un,” a ci hi.

Luka 10:11

‘Na khuasung uha leivui, ka khe tung uhah a hong bangte nangawn, note hilhkholhna-in ka nulkhia uh hi. Ahi zongin Pasian’ Uk nading hun a hong naina thu thei ta un,’ ci-in gen un.

Daniel 2:44

Tua kumpite a maan laitakun vantung Pasian in a bei thei ngei lo ding kumpi gam a hong phut ding hi. Tua kumpi gam kuamah in zo zo lo ding a, tua gam in gamdang khempeuhte zogawpin a kip tawntung ding hi.

2 THESALONIKA NIHNA 1:5

Tu-a na thuaknate uh hangin Pasian’ Ukna sungah a om dingin a kilawm mi suak na hih manun Pasian’ thukhenna a man ahihna hong kilangsak hi.

Sawltak 20:25

“A beisa hunah Pasian’ Ukna thu a hilhin note lakah kong vak kawikawi a, ahi zongin tu-in kuamah in nong muhkik nawn loh ding uh ka thei hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Luka 11:21

“Mi thahat khat in a hiam neih khempeuh tawh ama inn a cin ciangin a neihsa khempeuh suakta hi.