Luka 11:13 - Tedim Bible

¹³ Note mihoih lo hinapi-in na tate uh tungah a hoih piak ding theithei na hih uhleh, vantung a om na Pa un a ngente tungah Kha Siangtho piazaw kan ding hi lo ahi hiam?” a ci hi.

Tedim Bible Revision 2017

¹³ Note mihoih lo hi napi-in na tate uh tungah a hoih piak ding theithei na hih uh leh, vantung a om na Pa un a ngente tungah Kha Siangtho pia zaw kan ding hi lo ahi hiam?” a ci hi.

Luka 11:13 Referans Kwoze

Mattiu 7:11

Note mihoih lo hinapi-in na tate uh tungah na hoih piak ding ngaihsun thei na hih uhleh vantungah a om na Pa un a ngen mite tungah na hoihte hong piazaw mahmah ding hi lo ahi hiam?

Johan 4:10

Jesuh in, “Pasian’ hong piaktheih dingte le tuidawn ding hong ngen pa theitel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

ROM (Romans) 8:32

Ama Tapa nangawn siit loin eite khempeuh a dingin hong piakhia ahih manin, na dang khempeuh zong hong piazaw kan ding hi lo ahi hiam?

Paunak 1:23

Kong thuhilhna hong ngai un; ka ngaihsutna kong gen ding a, ka theihna kong zasak ding hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi.

Joel 2:28

“Tua khit ciangin mi khempeuh tungah ka kha ka sung ding a, na puteekte un mang manin na tangvalte un maang mu ding uh hi.

Ezekiel 36:27

Note sungah keima kha kong guang ding a, note tungah kong piak ka thukhamte le ka thupiakte limtakin kong zuisak ding hi.

Isaiah 49:15

Ahih hangin Topa in, “Ama sung panin a suak a tapa a hehpih lo ding zahin nupi khat in ama nawi a teep naungek mangngilh thei ding ahi hiam? Hihte nangawn in mangngilhkha thei ding a, ahi zongin keimah in kong mangngilh kei ding hi.

Mattiu 6:14

Note in midangte’ hong mawhna na maisak uhleh vantungah a om na Pa un zong note’ mawhna hong maisak ding hi.

Mattiu 6:32

(Gentail mite in lunghihmawh penin a neihte uh hih bangte ahi hi.) Hih nate khempeuh na kisap lamtak uh vantungah a om na Pa un a thei hi.

Luka 11:2

Jesuh in amaute kiangah, “Hih bangin na ngen ding uh hi: ‘Pa aw, na min siangtho kizahtak hen la, na Ukna hun hong tung tahen.

Mattiu 6:30

Tua ahih ciangin tuni-in hingin, a zing ciang mahin meikhukah a kikhultum lel hih gamlak lopate Pasian in puansilh guan ahihleh note hong lim guatzaw ding ahih manin na upna uh a neu mahmah ahi hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai-ah na gamtat hoihna uh khuavak bangin na kilangsak un.

Late 51:5

A khialsa mahin kei ka suak a, ka nu in a gil sungah hong paii tung a kipan a mawh sa ka hi hi.

ROM (Romans) 7:18

Ka leitung pumpi sungah a hoih na khat beek om lo hi, ci-in ka thei hi. Ka sungah a hoih gamtatnopna lungsim a om hangin ka hihzo kei hi.

ROM (Romans) 5:17

Mi khat bek’ mawhna hangin sihna in hong uk ahihleh mi khat mah ahi Jesuh Khrih hangin nakpitakin a lian Pasian’ hehpihna le mihoih-a sanna a ngah mite nungta-in thahatzaw kan ding uh hi.

Titu 3:3

Bang hang hiam cih leh eite zong nidangin haitatin, thumang loin, vakvai-in, duhna deihna a tuamtuamte thuaklahin, thusia le enna lungsim tawh a gamtate, mite in hong mudahin, eite khatlekhat zong a kimudah ngeite ihi hi.

Piancilna 8:21

Topa in a namtui gimnam a zak ciangin, a lungsim sungah, “Mihing’ gamtatna hangin leitang ka samsia kik ngei nawn kei ding hi. Bang hang hiam cih leh mihing’ lungsim ngaihsutna pen a tangval lai panin a gi lo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

Luka 11:12

aktui ngen leh aktui tangin momai a pia ding kua om na hi uh hiam?

Luka 18:7

A sun a zanin ama tungah a thumthum ama mite’ thu a manin Pasian in khensak lo ding ahi hiam? Amaute a huh ding kizekaisak ding ahi hiam?