Luka 10:34 - Tedim Bible

³⁴ a kiangah va pai-in a liammate sathau le leenggahzu a nuhsak khit ciangin a tunsak hi. Tua ciangin a la tungah tuangsak a, zintun inn khatah paipihin tua lai-ah a khoi hi.

Tedim Bible Revision 2017

³⁴ a kiangah va pai-in a liammate sathau le leenggahzu a nuhsak khit ciangin a tunsak hi. Tua ciangin a la tungah tuangsak a, zintun inn khat ah paipihin tua lai ah a khoi hi.

Luka 10:34 Referans Kwoze

ROM (Romans) 12:20

Tua ahih ciangin Lai Siangtho sungah, “Na galte uh a gil a kial leh an na pia un. A dang a taak leh tui na pia un. Tua bangin na gamtat uhleh amaute’ maizum nadingin a bawl na hi uh hi,” ci-in a kigelh bangin gamtazaw un.

Late 147:3

Amah in lungsim kitamte damsak a, amau’ meimate a tuamsak hi.

1 THESALONIKA MASA 5:15

Gitlohna lamsang kuamah kithuk loin, note khatlekhat tung le mi khempeuh tungah a pha kibawl ding ngaihsutpi-in na nei un.

Luka 2:7

Zintun nading mun dang khempeuh mi dim khinta ahih manin ganbukah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

Marka 14:8

Amah in ka luang a kivui nadingin paknamtui a hong ma nuhkhol hi a, a hihtheih zahzah ciang a hih khinta ahi hi.

Paikhiatna 4:24

Lampi-ah a giahna khatah Topa in Moses dawntuahin thah a sawm hi.

Piancilna 42:27

Amaute khat in a giahna panun a la gan-an pia dingin a van a suah le, a van gongah a sum mu hi.

Luka 10:33

Ahi zongin Samaria mi khualzin khat, tua lai mun hong tungin a liam pa a muh ciangin hehpihhuaisa a,

Luka 10:35

A zingsang ciangin zintun inn nei pa kiangah sum peek nih pia a, ‘Hih mipa limtakin na khoi in. Na beina dang khempeuh, kong paikik ciangin kong loh ding hi,’ ci hi.