Luka 10:29 - Tedim Bible

²⁹ Ahi zongin Thukham hilh siapa amah kitangsak nuam ahih manin Jesuh kiangah, “Ka vengte i cih kuate ahi hiam?” ci-in a dong hi.

Tedim Bible Revision 2017

²⁹ Ahi zongin Thukham hilh siapa amah kitangsak nuam ahih manin Jesu kiangah, “Ka veengte i cih kuate ahi hiam?” ci-in a dong hi.

Luka 10:29 Referans Kwoze

Luka 16:15

Jesuh in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsimtawng uh a hong thei hi. Bang hang hiam cih leh mihingte in a manpha mahmahin a ngaihsutte pen Pasian in bangmahin sim lo hi.

Galati 3:11

Tu-in Lai Siangtho in, “Upna hangin Pasian tawh a kipawlthei mite bek nungta ding hi,” na ci ahih manin Thukham hangin kuamah in Pasian tawh kipawl theihna a ngah lohna thu teltakin hong kilang hi.

ROM (Romans) 4:2

Abraham in a sepna hangin amah tawh a kipawl dingin Pasian in sang hileh Abraham in kisialhpih ding thu a nei ahi hi. Ahi zongin Pasian’ mai-ah Abraham a kisialh nading bangmah thu om lo hi.

Siampi Laibu 19:34

Note lakah a hong peem khualmite tualsung mi mah bangin na ngaihsun ding uh a, nomau mah bangin amaute na it ding uh hi; bang hang hiam cih leh note pen Egypt gam sungah khualmi na hi ngei uh hi; kei pen Topa na Pasian uh ka hi hi.

ROM (Romans) 10:3

Amaute in Pasian tawh kipawl theih nading lampi man thei loin amau theihtawmna tawh hanciam kha uh ahih manin amah tawh kipawl theih nadingin lampi a khun’ zui kha lo uh hi.

Luka 10:36

Hih mihing thumte sung panin, a kisuampa a dingin a koi pen a vengpa hi dingin na um hiam?” a ci hi.

Jeim 2:24

Tua ahih manin, mi khatpeuh in a upna bek tawh hi loin, a sepna tawh a kizuih ciangin Pasian tawh kipawl theihna ngah pan ahihna thu na thei uh hi.

JOB (Job) 32:2

Ahi zongin a thu a za, Ram minam, Buz-te beh, Barakhel’ tapa Elihu a heh hong suak hi. Bang hang hiam cih leh Job amah kidiksakin Pasian mawhsak zawsop hi.

Marka 8:34

Tua ciangin Jesuh in mihonpite le a nungzuite ama kiangah sam a, “Mi khatpeuh ka nungzui a suahnop leh ama deihna bangin gamta nawn loin a singlamteh kisuanin hong zui ding hi.