Luka 10:21 - Tedim Bible

²¹ Tua laitakin Kha Siangtho in lungdamna tawh Jesuh kidimsak hi. Jesuh in, “Vantung le leitung Topa ahi ka Pa aw, mipilte le misiamte tungah na ip thute, bangmah a thei lo hih mite tungah lak na hih manin ka nuam hi. Bang hang hiam cih leh hih thu pen nangma deihna bang ahi hi,” a ci hi.

Tedim Bible Revision 2017

²¹ Tua laitakin Kha Siangtho in lungdamna tawh Jesu kidimsak hi. Jesu in, “Vantung le leitung Topa ahi ka Pa aw, mipilte le misiamte tungah na ip thute, bangmah a thei lo hih mite tungah lak na hih manin ka nuam hi. Bang hang hiam cih leh hih thu pen nangma deihna bang ahi hi,” a ci hi.

Luka 10:21 Referans Kwoze

2 KORIN NIHNA 4:3

Lungdamna thu ka hilhte uh kitel lo ahihleh zong siatna a thuak mite a’ ding bekin a kitel lo hi ding hi.

Efesa 1:11

Na khempeuh, Pasian’ ngaihsutna le a geelsa bangin a piang hi. A cil pek a kipanin a ngaihsutsa thu tawh kizui-in Khrih tawh i kipawlna hangin Pasian’ tate ihih nadingin Pasian mah in a hong sehsa ihi hi.

Efesa 1:5

Pasian in Jesuh Khrih hangin ama mite ahi dingin eite a hong bawl ding a sehkholhsa hi a, tua bangin a hong bawl ding pen ama tupna le a utna ahi hi.

Marka 10:15

Hih naupangno khat’ man’ bangin Pasian’ Ukna a mang lo mi peuhmah Pasian’ Ukna sungah om lo ding ahihna thei un,” a ci hi.

Mattiu 21:16

Jesuh kiangah, “Hih naupangte’ otna na za hiam?” ci-in a dong uh hi. Jesuh in, “Ka za hi. Lai Siangtho sungah, ‘Naungekte le naupangte’ kam tawh a cingtaak phatna na gen sak hi,’ a cihna thu sim ngei lo na hi uh hiam?” ci-in a dawng hi.

Mattiu 16:17

Tua ciangin Jesuh in ama kiangah, “Jonah’ tapa Simon aw, hoih mahmah hi. Hih thu, leitung pilna tawh na theihtawm hi lo a, vantungah a om ka Pa in nangma tungah hong hilh ahi hi.

Late 8:2

naungekte le naupangte’ kam tawh nangmah phatna la kisa hi. Gal na neih manin galte le langpangte na daihsakna dingin panmunkip na bawl khin hi.

Luka 15:9

A muh ciangin a lawmte le a vengte samin amaute kiangah, ‘Ka sum mansuahsa mukik ka hih manin ka nuam mahmah hi. Lungdamna pawi bawl ni,’ ci ding hi.

Luka 15:5

A muh ciangin lungdam mahmahin a liangko-ah pua-in ciahpih ding hi.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim ding a, ama hong itna tawh hong thakbawl ding hi. Note’ hangin Topa lungdamin la sa ding a,

Isaiah 66:1

Topa in hih bangin ci hi: Vantung pen keima tokhom hi a, leitung pen keima khengakna ahi hi. Kei a dingin koi lai-ah inn lam ding a, keima tawlngakna ding mun koi lai ahi hiam?

Isaiah 53:11

Amah in a gimna thaman mu-in a lungdam ding hi. A mawk thuak ahihlohna thei-in a thuman ka nasempa in mi tampi tak a dik suaksak ding a, amah in amaute’ mawhnate pua ding hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Johan 11:41

Tua ahih manin a suangtum a likkhia uh hi. Jesuh zong van lam dakto-in, “Pa aw, ka thungetna hong ngai na hih manin ka nuam mahmah hi.

Isaiah 62:5

Bang hang hiam cih leh tangval in nungak khat a tenpih mah bangin nang hong lam pa in nang hong tenpih ding a, zipi pa mothak nu tungah a lungdam mah bangin nang tungah na Pasian lungdam ding hi.

Isaiah 35:8

Tua lai-ah lam lianpi khat om ding a, Lampi Siangtho kici ding hi. A siang lo mite in tua tung tawn ngei lo ding a, mihaite in tua lam a zui mite khialsak nawn lo ding hi.

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

Late 24:1

Leitung le a tunga omte, leitung le a tunga tengte Topa-a’ ahi hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?