Luka 10:2 - Tedim Bible

² Amaute kiangah, “Anlak ding tam mahmah a, ahi zongin mi tawm bek in anlak na sem uh hi. Tua ahih manin an nei pa in a ante a la dingin mi hong sawl nadingin thu ngen un.

Tedim Bible Revision 2017

² Amaute kiangah, “Anlak ding tam mahmah a, ahi zongin mi tawm bek in anlak na sem uh hi. Tua ahih manin an nei pa in a ante a la dingin mi hong sawl nadingin thu ngen un.

Luka 10:2 Referans Kwoze

1 THESALONIKA MASA 5:12

Sanggamte aw, Topa in note lam a hong lak ding le a hong makai dingin a seh, note lakah na a hong sem mite, a kilawm a kituakin zahtakbawl un.

Marka 16:15

Tua khit ciangin amaute tungah, “Leitung khempeuhah note pai kawikawi unla, mi khempeuh tungah Lungdamna Thu na hilh ta un.

2 TIMOTI NIHNA 4:5

Ahi zongin nang na hih leh thu khempeuhah na lungsim ki-ukin haksatnate na thuak inla, Pasian’ thugen nasep semin, na nasepna-ah maa na tun in.

2 THESALONIKA NIHNA 3:1

Sanggamte aw, tu-in note lak mah bangin mun dangah zong Topa’ thu manlang takin kizel pakin lungdam takin a kisan’ theih nadingin kote a’ ding thu hong ngetsak un.

Marka 13:34

Mi khat khualzin dingin paikhia a, a dinkhiat ding ciangin amau’ sep ding ciat a nasemte tungah tavuan pia a, kongcing pa in limtakin a cin ding a sawl mipa tawh kibang hi.

1 TIMOTI MASA 4:10

A diakdiakin ei thu umte in mi khempeuh a Honkhia, a nungta Pasian muangin lamen ihih manin nakpitakin hanciamin na a sem ihi hi.

Sawltak 22:21

Tua ciangin Topa in kei kiangah, ‘Gentail mite omna gamlapi-ah hong sawl ding ka hih manin pai peuh in,’ hong ci hi,” a ci hi.

Sawltak 20:28

Kha Siangtho in note’ khut sungah a hong koih pawlpi mite le nomau pumpi mahmah limtakin na kem un. Pasian in a Tapa a sihna tawh a ngah a pawlpi hoihtakin a kemte na hi ta un.

Sawltak 13:4

Kha Siangtho’ sawlna mah bangin Seleusia khua-ah paisuk uh a, tua khua panin teembaw tuangin Saipras tuikulh-ah a pai uh hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sapsa ahih manin kei a dingin Barnabas le Saul hong piakhia un,” a ci hi.

Sawltak 11:19

Stefen a kithah huna bawlsiatna hangin thu um mite tampi kithehthang uh hi. Mi pawlkhatte Foenisia gam, Saipras gam, le Antiok khua ciang dong tung uh a, Jew mite kiang bekah Pasian’ thu a hilh uh hi.

Sawltak 8:4

Tua bangin a kithehthang mite pai kawikawi-in thu a hilh uh hi.

Luka 9:1

Tua ciangin Jesuh in nungzui sawm le nihte sam a, dawite a hawlkhiat theih nading uh le cinate a damsak theih nadingun vangliatna le aana a pia hi.

Marka 16:20

Nungzuite zong mun khempeuhah pai-in thu a hilh uh hi. Topa in zong amaute’ nasep seppih a, a thuhilhnate uh man hi, ci-in a lahna-in amaute tungah vangliatna limte a pia hi.)

Mattiu 20:1

“Bang hang hiam cih leh vantung ki-ukna sung omzia pen a leenggah lo-ah na a sem ding a cial dingin zing tungin a kuankhia leenggah lo nei pa tawh kibang hi.

Zekhariah 11:17

“Kimanna a nei lo tuucingpa, a tuuhonte a nusia pa in gimna ngah ta hen! Namsau in a khut bantan hen la, a taklam mit satkham hen. A khut beimang hen la, a taklam mit tawcip hen!” hong ci hi.

Jeremiah 3:15

“‘Ka thu a hong mang makaite ka hong pia ding a, amaute in pilna le siamna tawh note hong uk ding uh hi.

Filippi 2:25

Note in kamtai ding le keimah hong huh dingin na hong sawl uh, kei tawh na semkhawmin gal hong simpih, i sanggampa Epafroditas pen note kiangah ka hong ciahsakkik ding kisam hi, ci-in ka ngaihsun hi.

Filippi 2:21

Adangte in ahihleh Jesuh Khrih thu kinloin, amau’ aituam vai bek lunghimawh uh hi.

1 KORIN MASA 12:28

Tua ahih manin Pasian in pawlpi sungah mi khempeuh ama panmun ciat dingah a hong bulh hi. A masa-in sawltakte, a nihna-ah kamsangte, a thumna-ah laihilhte, tua ciangin nalamdang bawltheite, cina damsak theite, midang a huhtheite, thu vaihawm a siamte, le pau lamdang a pau theite ahi uh hi.

Gamlak-vakna 11:17

Keimah hong paisukin tua munah nang tawh i kiho ding a, keimah in nang’ sunga om kha pawlkhat la-in amaute’ sungah ka guang ding hi. Nang guak in na puak loh nadingin amaute in mite’ tavuan hong puakpih ding uh hi.

Kolose 1:29

Hih bang a tangtun theih nadingin Khrih in kei tungah a hong piak ka thahatna khempeuh zangin, nakpitakin na semin ka hanciam hi.

Hebru 3:6

Ahi zongin Khrih pen Pasian’ innsung a uk Tapa ahihna tawh a citak ahi hi. I lametna thu tawh kisai-in lungsim hanna le muanna tawh i omsuak nakleh eite pen Pasian’ inn ihi hi.

1 THESALONIKA MASA 2:9

Sanggamte aw, ka nasep ka silbawlnate khempeuh uh note in na thei uh hi. Pasian kiang panin a hong pai Lungdamna Thu note kiangah ka hong hilhna hangun note in themkhat beek na gimlawhkhak loh nadingun a sun a zanin nakpitakin na ka sem uh hi.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.

2 KORIN NIHNA 6:1

Tua bangin Pasian tawh na semkhawmin om ka hih manun Pasian’ hong hehpihna thu a mawkna na suahsakkhak loh nadingun ka hong thum uh hi.

1 KORIN MASA 15:10

Tua bang hitaseleh Pasian’ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpitakin ka sem zawsop hi. Tua ka sepzawhna pen keima hatna hang hi loin Pasian’ hong hehpihna hang ahi hi.

Zekhariah 11:5

Tuu neite in a tuute go uh a, ahi zongin amaute gim kipia lo hi. Amaute in a tuusa zuak uh a, ‘Topa in thupha ngah tahen. Tu-in i hauta hi,’ ci uh hi. A tuucingte mahmah in a tuute uh hehpihna nei lo uh hi.

1 KUMPI MASATE 18:22

Tua ciangin Elijah in mite kiangah, “Kei, kei bekbek, Topa’ kamsang sung panin ka omlai a, ahih hangin Baal kamsangte mihing zali le sawmnga om hi.

Gamlak-vakna 11:29

Ahih hangin Moses in ama kiangah, “Keima tangin hong hazatsak na hi hiam? Topa’ mi khempeuh kamsang hi hen la, Topa in amau’ sungah ama Kha guan leh ka cih laitak hi,” a ci hi.

Filemon 1:1

Khrih Jesuh hangin thong a kia keimah Paul le i sanggampa Timoti in, Ka hong it uh, ka naseppih uh ahi Filemon,

Late 68:11

Topa in thu pia hi: Hih thu a pua mihonte tam mahmah uh a,

Mangmuhna 2:1

“Efesa khua-a pawlpi vantungmi kiangah lai gelh inla, a taklam khutah aksi sagih tawi-in, kham kibawl meivakna lakah a pai kawikawi Jesuh’ thugenna hih bang ahi hi: