Luka 10:16 - Tedim Bible

¹⁶ Tua ciangin Jesuh in a nungzuite kiangah, “Note’ thu a hong zuite khempeuh, kei’ thu a hong zui hi a, note’ thu a hong zui lote khempeuh, kei’ thu a hong zui lo ahi uh hi. Kei’ thu a hong zui lote khempeuh pen kei a hong sawl pa’ thu a zui lo ahi uh hi,” a ci hi.

Tedim Bible Revision 2017

¹⁶ Tua ciangin Jesu in a nungzuite kiangah, “Noteʼ thu a hong zuite khempeuh, keiʼ thu a hong zui hi a, noteʼ thu a hong zui lote khempeuh, keiʼ thu a hong zui lo ahi uh hi. Keiʼ thu a hong zui lote khempeuh pen kei a hong sawl paʼ thu a zui lo ahi uh hi,” a ci hi.

Luka 10:16 Referans Kwoze

Johan 13:20

A mantakin ci lehang, keima hong sawl mite a sangte in kei zong a hong sang ahi uh a, kei a hong sangte in kei a hong sawl pa zong a sang ahi uh hi,” a ci hi.

Mattiu 10:40

“Na thugen uh a hong sangte in kei’ thu a hong sang hi a, kei a hong sangte in kei a hong sawl pa zong a sang ahi uh hi.

1 THESALONIKA MASA 4:8

Tua ahih manin hih thute a thudon lo mi in mite a thudon lo hi loin, note tungah ama Kha Siangtho a hong pia Pasian a thusim lo ahi hi.

Johan 12:48

Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amaute’ thukhen ding ahi hi.

Johan 12:44

Tua ciangin Jesuh nakpitakin kiko a, “Kei hong um khempeuh in kei bek hong um hi loin kei hong sawl pa zong a um ahi hi.

Marka 9:37

“Keima hangin hih bang naupangno khat a limbawl mi in kei hong limbawl hi a, kei hong limbawl mi in kei hong limbawl hi loin kei hong sawl pa a limbawl ahi hi,” a ci hi.

Mattiu 18:5

Keima min hangin hih bang naupang khat a limbawl mi in kei zong hong limbawl ahi hi.

Malakhi 1:6

Vanglian Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Kei pen na pa uh hinapi, bang hangin hong zahtak lo a, na topa uh hinapi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Sawltak 5:4

Tua lo na zuakma-in nangma a’ hi a, na zuakkhit ciangin a sum zong nangma a’ mah ahi hi. Tua hinapi-in bang hangin tua bangin gamtat ding ngaihsun peuhmah na hi hiam? Mite a khem hi loin Pasian a khem na hi hi,” a ci hi.

Luka 9:48

a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neupen pa a lianpen pa ahi hi,” a ci hi.

Gamlak-vakna 16:11

Tua ahih ciangin nang le na pawlte khempeuh hih lai-ah na kikaihkhopna uh pen Topa langpanna ahi hi. Note in na phunsan uh Aaron pen bang mi hi mawk ahi hiam?” a ci hi.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi uh hiam? Amaute’ lakah ka hihsa limte om napi-in, amaute in bang tanvei hong um lo lailai ding ahi uh hiam?

Paikhiatna 16:7

Topa’ tungah na phunna uh amah in za khin ahih manin zingsang ciangin Topa’ vangliatna na mu ding uh hi. Bang hang hiam cih leh kote’ tungah na phun uh, kote a bang hi mawk ka hi uh hiam?” a ci hi.

Gamlak-vakna 14:2

Israel mite khempeuh in Moses le Aaron phunsan uh a, mihon buppi in amaute tungah, “Egypt gamah a si khin hizaw hoh le-ung! Tua ahih kei leh zong hih gamlakah a si khin hizaw hoh le-ung!

Paikhiatna 16:8

Moses in, “Ama tungah na phunnate uh Topa in a zakna hangin, Topa in note’ tungah nitak an nek ding sa, zingsangin na kham tak uha na nek ding uh an hong piak ciangin - kote pen a bang hi mawk ka hi uh hiam? Note’ phunnate pen kote’ tung hi loin Topa’ tung ahi hi,” a ci hi.

Galati 4:14

Ka pumpi cidam lohna pen note a dingin thu haksapi hinapi-in kei na hong simmawhbawl tuan kei uh a, zong na hong nolh tuan kei uh hi. Vantung panin a hong pai vantungmi zin do bang le Khrih Jesuh mahmah zin a do bangin na hong limbawl uh hi.