Luka 10:10 - Tedim Bible

¹⁰ Ahi zongin khua khat peuhpeuhah na lut uh ciangin note hong tunsaknop kei leh a khuasung kongzingah pai unla,

Tedim Bible Revision 2017

¹⁰ Ahi zongin khua khat peuhpeuh ah na lut uh ciangin note hong tunsak nop kei leh a khua sung kongzing ah pai unla,

Luka 10:10 Referans Kwoze

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui bangte sinsanin, “Pasian tawh kikhenin siatna na tuah uhleh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Sawltak 13:51

Sawltakte in zong a khe uha leivui bangte sinkhiat sanin Ikonium khua-ah a pai uh hi.

Mattiu 10:14

Inn khat peuhpeuh in ahi a, khua khat peuhpeuh in ahi zongin note hong tunsaknop kei a, na thugen uh hong ngaihnop kei leh tua lai panin paikhia unla, na khe uha leivui bangte sinkhiat un.

Luka 9:5

A inn uhah a hong tunsak nop lohna khua peuhpeuh panin na paikhiat uh ciangin amaute hilhkholhna-in na khe uha leivui bangte sinsan un,” ci-in a vaikhak hi.

Ezekiel 2:5

Amaute in nangma thu hong mang a, hong mang kei zongin, amaute lakah kamsang khat a omkhit lamtak thei ding uh hi.

Luka 10:9

tua khuasunga cinate damsak un. A khuamite kiangah, ‘Pasian’ Uk nading hun note a dingin hong naita hi,’ ci-in gen un.

Luka 10:11

‘Na khuasung uha leivui, ka khe tung uhah a hong bangte nangawn, note hilhkholhna-in ka nulkhia uh hi. Ahi zongin Pasian’ Uk nading hun a hong naina thu thei ta un,’ ci-in gen un.