Luka 1:74 - Tedim Bible

⁷⁴ i galte kiang panin eite hong hotkhiat nading le launa om loin amah bia-in,

Tedim Bible Revision 2017

⁷⁴ i galte kiang panin eite hong hotkhiat nading le launa om loin amah bia-in,

Luka 1:74 Referans Kwoze

2 TIMOTI NIHNA 1:7

Bang hang hiam cih leh Pasian in eite tungah meidawina lungsim hong guan lo a, thahatna, ki-itna, pumpi ki-ukzawhna lungsim hong guan hizaw hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khrih in a piak ama sisan in na tam semkhia zozaw ding a, a nungta Pasian’ na i septheih nadingin bangmahin a kimang lo nasepna panin ama sisan in i lungsim hong siangsak ding hi.

Mangmuhna 2:10

Na thuak ding uh haksatnate kihta kei un. Dawimangpa in note pawlkhat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu ka hong pia ding hi.

Hebru 2:15

Tua ahih manin sihna a kihtak manin sal bangin a om mite amah in hong suaktasak hi.

ROM (Romans) 8:15

Note tungah Pasian in a hong piak a Kha Siangtho in note na lau nadingun sila-in a hong bawl hi lo a, Kha Siangtho in Pasian’ tate a hong suaksak ahi zaw hi. Tua Kha Siangtho mah in Pasian pen, “Pa aw, Pa aw,” hong ci theisak hi.

Luka 1:71

i galte kiang panin hong hotkhiat nading le hong mudahte’ khutsung panin hong hotkhiat nading thu a hong ciam hi.

Isaiah 45:17

Ahih hangin Topa in Israel-te honkhia hi. A tawntungin gualzo ding uh a, cikmah hunin maizumna thuak ngei lo ding uh hi,” a ci hi.

ROM (Romans) 6:22

Ahi zongin tu-in mawhna bawlnopna panin suakta-in Pasian’ khutsung mi na hita uh hi. Tua thu hangin na ngah uh na pen Pasian a dingin a kipia khin nuntakna hi a, a tawntung nuntakna tawh a kizom ahi hi.

Late 119:134

Nangma thuhilhte ka zuih theih nadingin hong nengniamte’ kiang pan kei hong honkhia in.

Zekhariah 8:19

amah in, “Kha lina, kha ngana, kha sagihna, le kha sawmna sunga antannate pen, Judah gammite a dingin lungdamin kipakin pawi bawlna hun suak ta ding hi. Tua ahih manin thuman le kilemna deih pha un,” hong ci hi.

Luka 1:73

I pu Abraham tungah kamciamna kho khat bawl a,

Luka 1:75

i khang tawnin ama mai-ah a siangtho, a thumanin i om tawntung theih nading thu hong ciam hi.

2 KUMPI NIHNATE 17:39

ahih hangin Topa na Pasian uh na kihta ding uh hi. Tua ciangin amah in na galte khempeuh uh khutsung panin note hong honkhia ding hi,” a ci hi.