Luka 1:71 - Tedim Bible

⁷¹ i galte kiang panin hong hotkhiat nading le hong mudahte’ khutsung panin hong hotkhiat nading thu a hong ciam hi.

Tedim Bible Revision 2017

⁷¹ i galte kiang panin hong hotkhiat nading le hong mudahteʼ khut sung panin hong hotkhiat nading thu a hong ciam hi.

Luka 1:71 Referans Kwoze

Late 106:10

Tua ahih ciangin amah in galte’ khutsung panin amaute honkhia a, langpangte’ vangliatna panin amaute a khahkhia hi.

Jeremiah 23:6

Ama hun hong tun ciangin Judah mite kihonkhia ding a, Israel mite lungmuang takin a teng ding uh hi. Amah a kilawh nadingin a min, ‘Topa, Eite’ Diktanna,’ ci-in a kiphuak ding hi.

Thu-hilhkikna 33:29

Na galte in hong mai-etin, na kiangah hong pai ding uh a, amaute na tuancil ding hi,” a ci hi.

Ezekiel 34:28

Gamdang mite in hih gawpgawp nawn lo ding uh a, gamsate in thatin ne nawn lo ding uh hi. Amaute lungmuang takin om ding uh a, kuamah in lausak nawn lo ding uh hi.

Luka 1:74

i galte kiang panin eite hong hotkhiat nading le launa om loin amah bia-in,

Jeremiah 32:37

En in, ka hehna, ka thangpaihna le ka lungkim lohna lianpi tawh ka hawlkhiatna gam khempeuh panin amaute ka kaikhawm kik ding a, hih munah tunpih kikin, lungmuang takin ka omsak ding hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak ding a, gamlakah nuamtakin gamta-in a lum thei ding uh hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.

Ezekiel 38:8

Minam tuamtuamte lak panin kikaikhawm kikin a gam uh a kitutkik zawh gallauna nei loin a om Israel mite’ gam a sim dingin kum tampi khit ciangin kong sawl ding hi. Sauveipi sung kinusia-in gamkhing a suak ngei hinapi-in, tu-in a mite khempeuh lungmuang takin a omna Israel mualtung gamte a sim ding na hi hi.

Ezekiel 28:26

Tua gam sungah lungmuang takin teng ding uh a, amaute in inn lamin, leenggui suan ding uh hi. Israel mite a simmawh minam dangte gim ka pia ding a, Israel mite ahihleh lungmuang takin om hithiat ding uh hi. Tua ciangin Topa amau’ Pasian ka hihna thu amaute in hong thei ding uh hi,” a hong ci hi.

Late 106:47

Topa, kote’ Pasian aw, kote hong hon inla, nangma min siangtho kong phat theih nading uh le nangma tungah lungdamna kong koh theih nadingun minam dangte’ lak panin kote hong kaikhawmkik in.

Luka 1:68

“Israel mite’ Topa Pasian phat ciat ni. A mite a huh dingin hong pai-in amaute a suaktasak hi.

2 KUMPI NIHNATE 17:39

ahih hangin Topa na Pasian uh na kihta ding uh hi. Tua ciangin amah in na galte khempeuh uh khutsung panin note hong honkhia ding hi,” a ci hi.