Luka 1:7 - Tedim Bible

⁷ Ahi zongin Elizabeth ciing ahih manin amau nupa in ta nei lo uh a, a nih tuakun zong a teekta uh ahi hi.

Tedim Bible Revision 2017

⁷ Ahi zongin Elizabeth ciing ahih manin amau nupa in ta nei lo uh a, a nih tuakun zong a teek ta uh ahi hi.

Luka 1:7 Referans Kwoze

Hebru 11:11

Sarah a ta neihtheih ding hun beikhin napi-in ama tungah thuciam pa zuau lo ding, ci-in Abraham in upna a neihna hang mahin Sarah gai-in ta a nei ahi hi.

1 SAMUEL MASA 1:2

Amah in zi nih nei hi. Khat’ min Hannah hi a, a khat’ min Peninnah ahi hi. Peninnah in ta nei a, ahih hangin Hannah in nei lo hi.

Piancilna 18:11

Tu-in Abraham le Sarah teek ta uh a, a kum uh ham hi. Sarah a numei ngeina teng tawpta hi.

Piancilna 25:21

Isaac in Topa’ tungah a zi a dingin thu ngen hi. Bang hang hiam cih leh amah ciing hi. Topa in ama thungetna pia a, a zi Rebekah gai hi.

2 KUMPI NIHNATE 4:14

Tua ciangin amah in, “Tua bang ahihleh tuanu a dingin bang kihihsak thei ding ahi hiam?” a ci hi. Gehazi in dawngin, “Thu khat bek om hi. Tua nu in tapa nei lo a, a pasal teekta hi,” a ci hi.

Piancilna 17:17

Tua ciangin Abraham mai kun sukin nui a, amahmah tungah, “Kum za a pha pasal khat in ta nei ding ahi hiam? Kum sawmkua a pha Sarah in ta nei ding ahi hiam?” kici hi.

ROM (Romans) 4:19

Abraham kum zakhat bang pha dektak ta a, a si dektak ta ahihna le a zi Sarah a ciinna thute a theih hangin a upna kiam tuan lo hi.

1 KUMPI MASATE 1:1

Tu-in Kumpi David teekin kum tam ta hi. Amaute in amah puan a silhsak uh hangin a khua lum thei lo hi.

Piancilna 30:1

Rachel in Jakob tawh ta a neih lohna a kimuh ciangin, amah in a sanggamnu eng hi. Amah in Jakob kiangah, “Ta hong pia in, tua ahih kei leh si ning!” a ci hi.

Luka 1:5

Judea gam a hong uksawn kumpi Herod hun laitakin siampi Abijah’ pawlte’ sung panin Zekhariah minnei siampi khat a om hi. A zi’ min Elizabeth hi a, amah zong Aaron’ suan ahih manin siampi nam mah ahi hi.

Luka 1:6

A nih tuakun Pasian’ muhna-ah a manin gamta uh a, Topa’ thukhamte le a ngeina khempeuh a zui uh hi.

Luka 1:8

Nikhat, ama pawlte’ sep hun ding a tun ciangin Zekhariah in Pasian’ mai-ah siampi nasep a sem hi.