Luka 1:65 - Tedim Bible

⁶⁵ A vengte khempeuh in lamdangsa-in lau uh a, Judea mualtung gam sung khempeuhah hih thu a kitheithang hi.

Tedim Bible Revision 2017

⁶⁵ A veengte khempeuh in lamdang sa-in lau uh a, Judea mual tung gam sung khempeuh ah hih thu a kitheithang hi.

Luka 1:65 Referans Kwoze

Luka 1:39

Tua khit a sawt loin Mary kithawi a, Judea mualtung gam a khua khatah a va paipah hi.

Sawltak 5:11

Pawlpi mi khempeuh le hih thu a za mi khempeuhte nakpitakin a lau uh hi.

Sawltak 5:5

Ananias in hih thu a zak phetin thakhatin si-in puksukpah a, hih thu a za mi khempeuh a lau mahmah uh hi.

Sawltak 2:43

Sawltakte in lim le nalamdang tampi bawl uh a, mi khempeuh in lamdang sa mahmah uh hi.

Luka 7:16

Amaute khempeuh in lamdangsa mahmah uh a, Pasian min phatin, “Eite lakah kamsang lian khat hong om khinta a, a mite a honkhia dingin Pasian hong pai khinta hi,” a ci uh hi.

Mangmuhna 11:11

Ahi zongin ni thum le ni lang a cinkhit ciangin amaute sungah Pasian kiang panin nuntakna hu lutin, amaute a khe-un hong ding uh ahih manin a mute khempeuh nakpitakin lau mahmah uh hi.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuh’ min nakpitakin a kiphat semsem hi.

Joshua 10:40

Tua ahih ciangin Joshua in gam khempeuh, mualtung gam le Negeb gam le lei niamna mun le mualpang suk, le a khuapite khempeuh a zo hi. Amah in kuamah siit lo a, Israel-te’ Topa Pasian’ thupiaksa bangin mi khempeuh a susiamang hi.

Joshua 10:6

Tua ciangin Gibeon mite in Gilgal-a giahphual a Joshua kiangah kamtai sawlin, “Na nasemte hong nusia kei in. Manlang takin ko kiangah hong paito-in, kote hong hon inla, hong huh in. Bang hang hiam cih leh mualtung gam a teng Amor kumpite khempeuh kote langpangin kikhawm uh hi,” a ci uh hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a,

Luka 5:26

Tua ciangin amaute khempeuh in lamdangsa mahmah uh a, lau mahmah kawmin Pasian phatin, “Tuni-in a lamdang mahmah na khat i mu hi,” a ci uh hi.

Luka 2:18

Hih tuucingte’ thugen a za mi khempeuh in lamdang a sa uh hi.