Luka 1:6 - Tedim Bible

⁶ A nih tuakun Pasian’ muhna-ah a manin gamta uh a, Topa’ thukhamte le a ngeina khempeuh a zui uh hi.

Tedim Bible Revision 2017

⁶ A nih tuakun Pasianʼ muhna ah a manin gamta uh a, Topaʼ thukhamte le a ngeina khempeuh a zui uh hi.

Luka 1:6 Referans Kwoze

Piancilna 7:1

Tua ciangin Topa in Noah kiangah, “Nang le na innkuanpih mi khempeuh teembaw sungah pai un. Bang hang hiam cih leh hih khang mite sung panin nang bek a thuman na hihna ka hong thei hi.

Piancilna 17:1

Abram kum sawmkua le kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Filippi 2:15

Tua hileh a lungsim kawi, a hoih lo leitung mite lakah paubaanna a nei lo a siangtho, Pasian’ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

Sawltak 24:16

Tua ahih manin Pasian mai le mite mai-ah lungsim kisuanna a om het lo dingin a tawntungin ka gamta hi.

1 KUMPI MASATE 9:4

Nang ahihleh, na pa David a gamtat bangin lungsim thupina le thumanna tawh ka mai-ah gamta-in, nang kong thupiak khempeuh bangin sem a, ka thukhamte le ka ngeina kipte na zuih leh,

1 THESALONIKA MASA 3:13

Tua hileh i Topa Jesuh a mi siangthote khempeuh tawh hong pai ciangin eite’ Pa ahi Pasian’ mai-ah kisuanna om hetloin lungsim siangtho takin na om thei ding uh hi.

JOB (Job) 1:1

Uz gamah Job kici min nei mi khat a om hi. Tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah peel hi.

1 JOHAN MASA 2:3

Eite in ama thupiaknate i zuih leh amah a thei taktak ihihna hong kilang hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasian’ muhna-ah paubaanna om hetloin amah tawh nuamtakin na omkhawm theih nadingun hanciam un.

JOB (Job) 1:8

Tua ciangin Topa in Satan kiangah, “Ka nasem Job na phawkkha hiam? A paubaang lo, a thutang, Pasian zahtakin gamtat hoih lo a peel amah tawh a kibang midang leitungah na mu kei ding hi,” a ci hi.

1 JOHAN MASA 3:7

Ka it tate aw, mite’ khemsa-in ta kei un. Khrih a thuman ahih mah bangin a manin a gamtate khempeuh a thuman ahi hi.

1 JOHAN MASA 2:29

Khrih, thuman hi, ci-in na theih uh mah bangin a manin a gamta mi khempeuh zong Pasian’ tate hi, ci-in na theih ding uh ahi hi.

Kolose 1:22

Ahi zongin, a Tapa a pumpi mahmahin a hong sihna hangin note, a cidam, a siangtho, paubaanna om hetloin ama kiangah hong laktheih nadingin Pasian in note ama lawmin a hong bawl khinta ahi hi.

2 KORIN NIHNA 1:12

Kote’ kisialhpih thu in: hih leitung a ka gamtatnate uh le a diakdiakin note tungah kong gamtatnate uhah, mihingte’ pilna a zang hi loin Pasian hehpihna vang tawh, Pasian’ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

1 KORIN MASA 11:2

Note in kei hong phawk tawntungin ka hong hilh thu khempeuh zui na hih manun ka hong phat mahmah hi.

Sawltak 23:1

Paul in ulian kikhawmte limtakin enin, “Lawmte aw, tuni ciang dong ka nuntak sung tawntung, Pasian mai-ah kisuanna ka nei het kei hi,” a cih leh

Late 119:6

Na thupiakte khempeuh mitsuanin nei ka hih manin, kei ka maizum kei ding hi.

JOB (Job) 9:2

“Kuamah in Pasian a zawhzawh lohna a teltakin ka theita hi.

2 KUMPI NIHNATE 20:3

“Nangma mai-ah thuman tak le ka lungsim khempeuh tawh ka gamtatna, le nangma muhna-ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpitakin a kap hi.

Piancilna 6:9

Noah’ tangthu hih bang ahi hi. Noah a thuman mi khat hi a, ama khangah paubaang lo hi. Noah pen Pasian tawh kikhawl hi.

Luka 16:15

Jesuh in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsimtawng uh a hong thei hi. Bang hang hiam cih leh mihingte in a manpha mahmahin a ngaihsutte pen Pasian in bangmahin sim lo hi.

Thu-hilhkikna 5:33

Note nungta-in, nuamsa-in na luah ding uh leitangah sawtpi na nuntak nadingun Topa na Pasian un note hong thupiakna lampi khempeuh na tawn ding uh hi.

1 KUMPI MASATE 15:5

Bang hang hiam cih leh Hit mi Uriah thu-ah cih simloh ama nuntak sung tawntung Topa’ mitah David a manin gamta-in a thupiakte khat peuhpeuh panin amah pial lo hi.

Luka 1:7

Ahi zongin Elizabeth ciing ahih manin amau nupa in ta nei lo uh a, a nih tuakun zong a teekta uh ahi hi.

Luka 2:25

Jerusalem khua sungah Simeon a kici mi khat na om hi. Amah a thuman, a biakna mi mahmah khat hi a, Israel mite a kihotkhiat hun ding a ngakngak mi khat ahi hi. Kha Siangtho in a ompih mi khat hi a,

Sawltak 2:25

Bang hang hiam cih leh David in ama thu a genna-ah, “‘Topa ka maingat tawntung a, ka taklamah amah om ahih manin lungkhamna ka thuak kei ding hi.

Sawltak 8:21

Pasian in na lungsim man hong sa lo ahih manin kote’ nasepna-ah nang nong kihel thei kei ding hi.

ROM (Romans) 8:4

Eite’ deihna bangin nungta loin Pasian’ Kha Siangtho’ deihna bangin a nungta eite sungah Thukham’ deihna teng a kicin theih nadingin Pasian in a Tapa a hong sawl ahi hi.

2 KHANG TANGTHU NIHNATE 17:4

Israel-te’ gamtat bang hi loin ama pa’ Pasian zongin ama thupiakna a zui hi.