Luka 1:51 - Tedim Bible

⁵¹ Amah in a hat mahmah a khut zan a, kiliatsakna lungsim a nei mite a thehthang hi.

Tedim Bible Revision 2017

⁵¹ Amah in a hat mahmah a khut zan a, kiliatsakna lungsim a nei mite a thehthang hi.

Luka 1:51 Referans Kwoze

Late 98:1

Amah in na lamdangte bawl ahih manin Topa’ tungah la thak sa un. Ama khut taklam le ama khut siangthote in amah gualzosak hi.

Isaiah 52:10

Topa in minam khempeuh mai-ah a vangliatna siangtho zangin ama mite honkhia hi. Leitung mi khempeuh in i Pasian’ hotkhiatna mu ding uh hi.

Isaiah 51:9

Khanglo in, khanglo in; thakhauh in, Topa aw. Khang sawtpi, hun lui lai-a bangin na vangliatna zangin hong huh in. Rahab a satzan gawp pa, gulpi a sunpa, nangmah hi lo na hi hiam?

ROM (Romans) 1:21

Amaute in Pasian thei napi-in a zahtak dingun a kilawm bangin zahtak loin, a tungah a lungdam dingun a kilawm bangin lungdam lo uh hi. Amaute in thuhoih ngaihsun nuam lo uh a, a ngaihsutnate uh a mawknapi a suak hi.

Daniel 4:37

Tu-in keimah Nebukhadnezzar in Vantung Kumpipa phatin, zahtakin a min ka thangsak hi. Ama bawlna khempeuh a man hi. Amah a tawntungin thuman a, a kiphasakin a gamtate a neusak hi,” a ci hi.

Isaiah 63:12

Moses tungtawnin a vangliatna zangin na lianpipi a sempa, ama mite’ mai-ah tuite khenkhamin, a minthan’ tawntung nadingin hih bang nate a sempa, tu-in koi-ah omta ahi hiam, ci uh hi.

Isaiah 40:10

Topa Pasian hong pai a, vangliatna tawh hong uk ding hi. Ama sep thamante hong pua a, a gualzawhna thamante hong masuan hi.

Late 118:15

Ngai un! Thuman mite’ puanbuk sungah gualzawh lungdamna la kisa a, “Topa’ taklam khut in a lian nate hih khin hi.

Late 89:10

Nangmah in a kithat lumsa luanghawm khat bangin ganhing golpi Rahab na sugawp a, na thahatna tawh na galte na zogawp hi.

Piancilna 6:5

Leitungah mihing a gitlohna a liatna le mihing lungsim ngaihsutna peuhmah a sia ahih ngitngetna thu Topa in mu hi.

Mangmuhna 18:8

gimna in ni khatthu-in ban ding a, pulnatna, kahna, le kialpi in vatgawp ding hi. Ama tungah thu a khen Topa Pasian vanglian ahih manin mei tawh kihaltum ding hi,” a ci hi.

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

2 KORIN NIHNA 10:5

Mite’ ngaihsutna a man lote ka thalnial gawpzo uh a, Pasian’ thu theih nading a khaktan thei nate ka susiagawp uh a, mi khempeuh’ ngaihsutna zo gawpin Khrih’ thu a mang dingin ka bawl uh hi.

Late 89:13

Nangma vang lian mahmah a, na thahatna kigen thei lo hi.

Late 63:5

Ka lupna tungah nangmah hong ngaihsunsunin, zanthapai-in kong lungngaihngaih ciangin guhngek le sathau ne bangin ka lung tai mahmah a, lungdam mahmahna tawh nangmah phatna la ka sa ding hi.

Late 52:9

Hih bangin keimah hong bawlkhin na hih manin nangma tungah ka lungdam ngitnget ding hi. Thuhoih ahih manin miphate omna-ah nangma min ka taangko ding hi.

Late 33:10

Topa in minamte’ thungaihsutna a mawkna suahin, mite’ geelna a khaktan hi.

Thu-hilhkikna 4:34

Tua ahih kei leh, Topa na Pasian un Egypt gam sungah note a dingin na muhna uhah a bawlte khempeuh tawh a kibangin, ze-etna, lim, nalamdang, gal, a vanglian le a thahatna le a lauhuai mahmah tawh pasian dang khat peuhpeuh in ama mite a dingin minamdang khat sung pan minam khat a va lak ding hanciam ngam ngei ahi hiam?

Paikhiatna 18:11

Topa pen pasian dang khempeuh sangin a liatzawkna tu-in ka thei hi. Bang hang hiam cih leh mite tungah kiphatsakna tawh Egypt mite a gamtat lai takin amah in Egypt mite’ khutnuai panin mite khahkhia hi,” a ci hi.

Piancilna 8:21

Topa in a namtui gimnam a zak ciangin, a lungsim sungah, “Mihing’ gamtatna hangin leitang ka samsia kik ngei nawn kei ding hi. Bang hang hiam cih leh mihing’ lungsim ngaihsutna pen a tangval lai panin a gi lo hi mawk hi. Tu-a ka hih bangin nuntakna a nei khempeuh zong ka susia ngei nawn kei ding hi.

Piancilna 11:8

Tua ahih ciangin Topa in tua lai panin leitung khempeuhah amaute thehthang a, a khuapi bawl uh a tawp uh hi.

Jeremiah 49:15

Bang hang hiam cih leh keimah in gamdangte sangin nang hong neusak zaw-in mite kong simmawhsak ding hi.