Luka 1:49 - Tedim Bible

⁴⁹ Bang hang hiam cih leh Vanglian Pasian in keima a dingin na lianpi hong sepsak hi. Ama min siangtho a,

Tedim Bible Revision 2017

⁴⁹ Bang hang hiam cih leh Vanglian Pasian in keima adingin na lianpi hong sepsak hi. Ama min siangtho a,

Luka 1:49 Referans Kwoze

Late 111:9

Amah in ama mite honkhia a, a tawntung a kimang dingin thupiakna a bawl khin hi. Ama min siangtho-in vanglian mahmah hi.

Late 99:3

A lian a kihtakhuai ama min mi khempeuh in phat ta uh hen. Amah siangtho hi.

Jeremiah 10:6

Topa aw, nang tawh a kibang kuamah om lo hi. Nang na lian a, na min vanglian mahmah hi.

Efesa 3:20

Eite a dingin na a hong sepsak, eite’ ngetzah val, le i ngaihsut zawh loh zah dongin a vangliatna tawh tampi tak a hong hihsak thei

Piancilna 17:1

Abram kum sawmkua le kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Mangmuhna 15:4

Topa aw, nang, kua in hong kihta lo ding a, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai-ah hong bia ding uh hi,” a ci uh hi.

Late 99:9

I Topa Pasian phat unla, ama mual siangtho-ah bia un; bang hang hiam cih leh i Topa Pasian a siangtho hi.

1 SAMUEL MASA 2:2

“Topa bangin a siangtho kuamah dang om lo a, amah simloh kuamah dang om lo a, i Pasian tawh a kibang hong hu dang om lo hi.

Paikhiatna 15:11

“Topa aw, pasian-te’ lakah kua, nang tawh kibang ahi hiam? Kua, nang tawh kibangin, sianthona-ah lianin, minthang nasepna-ah kihtakhuai-in, nalamdang sem ahi hiam?

Isaiah 6:3

Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Jeremiah 20:11

Ahih hangin Topa pen a kihtakhuai galhang pa bangin kei tawh hong omkhawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.

Mangmuhna 4:8

Tua ganhing lite in kha guk ciat nei-in, tua a khate’ sunglam le a pualamah mittang a dimtakin om a, a sun a zan tawlnga loin la sa uh a, “A beisa, tuhun, le a tawntungin a om Vanglian Topa Pasian, siangtho hi, siangtho hi, siangtho hi,” a ci uh hi.

Marka 5:13

Tua ahih manin Jesuh in dawite a pai nading uh thu pia a, dawite zong mipa sung panin paikhia-in vokte sungah a lut uh hi. Tua vok honpite a vekpi-in tulnih bang pha hi. Mualtung panin taisuk henhan uh a, tuili sung kidenna-in tuikia mangkhin uh hi.

Isaiah 1:24

Tua ahih ciangin, Topa, Vanglian Topa, Israel-te’ Vanglian Pasian in hih bangin ci hi: “Ah, ka lang ahi note’ tungah ka hehna kong khahkhia ding a, ka gal ahi note tungah keimah in kong thuk ding hi.

Late 24:8

Minthang Kumpipa kua ahi hiam? Hatin a vanglian Topa, galhat Topa ahi hi.

Isaiah 63:1

Edom gam, Bozrah khua panin puan ausan silhin a hong pai, a puansilhna-ah minthanna mel nei-in, ama thahatna tawh a hong pai pa kua ahi hiam? A honkhiazo dingin hatna a nei, gualzawhna thu a zasak dingin a hong pai pa pen Topa ahi keimah ka hi hi.

Luka 1:48

Bang hang hiam cih leh a neu mahmah a nasemnu, keimah a hong phawk hi. Tu a kipanin a khangkhangin mi khempeuh in thupha ngah nu hong ci ding uh hi.

Luka 1:50

amah a zahtak mite tungah a khangkhangin hehpihna a lak hi.