Luka 1:48 - Tedim Bible

⁴⁸ Bang hang hiam cih leh a neu mahmah a nasemnu, keimah a hong phawk hi. Tu a kipanin a khangkhangin mi khempeuh in thupha ngah nu hong ci ding uh hi.

Tedim Bible Revision 2017

⁴⁸ Bang hang hiam cih leh a neu mahmah a nasem nu, keimah a hong phawk hi. Tu a kipanin a khangkhangin mi khempeuh in thupha ngah nu hong ci ding uh hi.

Luka 1:48 Referans Kwoze

Late 138:6

Bang hang hiam cih leh Topa lian mahmah napi-in amah in a neute don a, a kiphasakte ahihleh amah in gamlapi panin mu thei veve hi.

Malakhi 3:12

Tua ciangin na gam uh, ten nadingin a hoih mahmah leitang hong suak ding ahih manin, minam dang khempeuh in note pen a nuamsa minam hong ci ding uh hi,” a ci hi.

1 SAMUEL MASA 1:11

Amah in thuciamna khat bawlin, “Vanglian Topa aw, nangmah in na nasemnu’ gimna nong et takpi a, keimah hong phawkin na nasemnu hong mangngilh loin na nasemnu tungah tapa khat nong piak leh, Topa’ tungah a khan tawntungin amah kong pia ding a, ama lu-ah mulkiatna kitah lo ding hi,” a ci hi.

Luka 11:27

Jesuh in hih thu a genkhit ciangin mihon lak panin numei khat hong paukhia a, “Nang hong paii numei, a nawi na teep numei, mi hampha mahmah ahi hi,” a ci hi.

Late 136:23

Miniam ihih laitakin a hong phawk pa tungah, bang hang hiam cih leh ama itna kip tawntung hi.

Luka 1:42

nakpitakin kiko-in, “Numei khempeuh lakah thupha ngah pen nu na hi a, na neih ding naungek in thupha ngah ding hi.

Luka 1:28

Vantung mi in Mary kiangah, “Na lungdam mahmah ding ahi hi. Topa in nang hong ompih a, thupha lianpi hong piazo hi,” a ci hi.

Isaiah 66:2

Hih nate khempeuh keima bawlsa ahih manin hih nate khempeuh keima-a’ ahi hi, Topa in ci hi. Ahih hangin kiniamkhiatin, lungsim a kitamzan mipa, keima thu-ah lau-in a ling kelkel pa, keima deih mipa ahi hi.

2 SAMUEL NIHNA 7:8

“Tua ahih ciangin tu-in ka nasempa David kiangah hih bangin na gen ding hi. ‘Vanglian Topa in hih bangin ci hi: Ka mi Israel-te tungah ulian dingin lonona mun, tuute na zuihna panin nang kong la hi.

1 SAMUEL MASA 2:8

Amah in leivui panin mizawngte phongto a, amah in a cimawhte a lungkhamna panun a phongto hi. Uliante tawh tukhawmsak a, minphatna ngahsak hi. Bang hang hiam cih leh leitung khuampite Topa a’ hi a, tuate tungah amah in leitung pumpi a koih hi.

Piancilna 30:13

Leah in, “Kei lungdam ing! Bang hang hiam cih leh numei dangte in kei a lungdam hong ci ding uh hi,” a ci hi. Tua ahih ciangin ama min Asher a phuak hi.

Late 102:17

Amah in mi cimawhte’ thungetna kinin, amau’ thumna simmawh lo ding hi.

Late 72:17

Ama min kip tawntung hen la, a minthanna kip paisuak hen. Ama hangin mite in thupha ngah hen la, minam khempeuh in amah pen thupha ngah pa, ci ta uh hen.

Luka 1:45

Topa in nang tungah a hong gen thute hong tung taktak ding hi, ci-a upna pen nang a dingin a lungdamhuai mahmah ahi hi,” a ci hi.

Luka 1:49

Bang hang hiam cih leh Vanglian Pasian in keima a dingin na lianpi hong sepsak hi. Ama min siangtho a,