Luka 1:25 - Tedim Bible

²⁵ “Tu petpetin Topa in hih bangin kei hong huh a, mi lakah ka maizumna teng hong paihkhiatsak ta hi,” a ci hi.

Tedim Bible Revision 2017

²⁵ “Tu petpetin Topa in hih bangin kei hong huh a, mi lakah ka maizumna teng hong paih khiatsak ta hi,” a ci hi.

Luka 1:25 Referans Kwoze

Isaiah 4:1

Tua ni ciangin nupi sagih in papi khat neikhawm ding uh a, “Kote in komau’ an ciat ne-in, komau’ puan ciat mah ka silh ding uh hi. Kote pen, nangma zi cih min bek hong puasak in; ka minsiatna teng uh hong hum in,” ci ding uh hi.

Hebru 11:11

Sarah a ta neihtheih ding hun beikhin napi-in ama tungah thuciam pa zuau lo ding, ci-in Abraham in upna a neihna hang mahin Sarah gai-in ta a nei ahi hi.

Luka 1:13

Ahi zongin vantungmi in ama kiangah, “Zekhariah aw, lau kei in. Pasian in na thungetna hong zakhin a, na zi Elizabeth in tapa khat a nei ding hi. A min dingin Johan na phuak ding hi.

1 SAMUEL MASA 1:6

Topa in amah ta neisak lo ahih manin amah a el a zipih in amah nakpitakin phin zel, hehsak zel hi.

Piancilna 25:21

Isaac in Topa’ tungah a zi a dingin thu ngen hi. Bang hang hiam cih leh amah ciing hi. Topa in ama thungetna pia a, a zi Rebekah gai hi.

Thukhente 11:37

Tua ciangin amah in a pa kiangah, “Kong ngetnop thu khat om hi. Kei pai-in mualtungah vak kawikawi-in kei le ka lawmte in nungak-in ka sih nading hangin ka thum theih nadingun kha nih sung kei guak hong omsak in,” a ci hi.

Isaiah 25:8

Amah in sihna beimangsak ding a, maitang khempeuh panin khitui nul ding hi. Leitung khempeuh panin ama mite a kizahkona lakhia ding hi. Bang hang hiam cih leh Topa in hih thu gen khinzo hi.

Luka 1:24

Tua khit ciangin a zi Elizabeth gai a, kha nga sung inn panin koimahah a paikhia kei hi.

2 SAMUEL NIHNA 6:23

Tua ahih ciangin Saul’ tanu Mikhal in a sih ni dongin ta nei thei nawn lo hi.