Late 99:9 - Tedim Bible

⁹ I Topa Pasian phat unla, ama mual siangtho-ah bia un; bang hang hiam cih leh i Topa Pasian a siangtho hi.

Tedim Bible Revision 2017

⁹ I Topa Pasian phat unla, ama mual siangtho ah bia un; bang hang hiam cih leh i Topa Pasian a siangtho hi.

Late 99:9 Referans Kwoze

Luka 1:49

Bang hang hiam cih leh Vanglian Pasian in keima a dingin na lianpi hong sepsak hi. Ama min siangtho a,

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Isaiah 5:16

Ahih hangin thutang sepna tawh Vanglian Topa in a liatna hong kilangsak a, a Siangtho Pasian in a mite a thukhenna tawh ama sianthona hong kilangsak hi.

Mangmuhna 4:8

Tua ganhing lite in kha guk ciat nei-in, tua a khate’ sunglam le a pualamah mittang a dimtakin om a, a sun a zan tawlnga loin la sa uh a, “A beisa, tuhun, le a tawntungin a om Vanglian Topa Pasian, siangtho hi, siangtho hi, siangtho hi,” a ci uh hi.

Late 2:6

“Ka mual siangtho Zion tungah ka kumpi ka tusak khin hi,” ci hi.

1 SAMUEL MASA 2:2

“Topa bangin a siangtho kuamah dang om lo a, amah simloh kuamah dang om lo a, i Pasian tawh a kibang hong hu dang om lo hi.

Habakkuk 1:12

Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amaute’ tungah vang a pia bek na hi hi.

Isaiah 6:3

Amaute khatlekhat kisamin: “Vanglian Topa, siangtho, siangtho, siangtho; leitung khempeuh ama minthanna tawh kidim,” ci-in awng uh hi.

Late 99:5

I Topa Pasian phat unla, ama khengakna munah bia un. Amah siangtho hi.

Late 99:3

A lian a kihtakhuai ama min mi khempeuh in phat ta uh hen. Amah siangtho hi.

Mangmuhna 3:7

“Filadelfia khua pawlpi vantungmi kiangah lai gelh inla, David’ tawhtang kemin, ama honsa kong kuamah in a khak zawh loh, ama khaksa kong kuamah in a hon zawh loh, a thuman a siangthopa’ thugen in:

Late 132:7

“Ama omna munah va pai ni; ama khengakna-ah va bia ni,” ka ci uh hi.