Late 9:9 - Tedim Bible

⁹ Topa pen, netniamna a thuakte a’ dingin munkip hi a, haksat hun ciangin munmuanhuai ahi hi.

Tedim Bible Revision 2017

⁹ Topa pen, netniamna a thuakte adingin munkip hi a, haksat hun ciangin mun muanhuai ahi hi.

Late 9:9 Referans Kwoze

Paunak 18:10

Topa’ min pen tausang muanhuai tawh kibang a, thuman mite in belin lungmuangin om thei uh hi.

Nahum 1:7

Topa hoih hi; lungkham hunin a mite huh a, amah a beel mite limtakin a kem hi.

Late 32:7

Nang pen kei a dingin ka bukna mun na hi a, haksatna pan kei hong kemin hotkhiatna kicing nong pia hi.

Late 46:1

Pasian, i belh leh i thahatna hi a, haksat hunin a hong huh pahpah pa ahi hi.

Late 62:8

Mite aw, amah muang tawntung unla, na lungkhamna teng uh ama tungah gen un. Pasian, eite’ bukna ahi hi.

Late 37:39

Topa in thuman mite honkhia a, amah pen haksat hun ciangin amaute’ bukna ahi hi.

Late 18:2

Topa pen keima suangpi, ka munkip muanhuai, kei a hong honkhia pa, ka Pasian, ka suangpi, ka belh pa, ka lum, ka kihotkhiatna ki, ka munkip ahi hi.

Luka 13:34

“Jerusalem, Jerusalem aw, kamsangte na that a, Pasian’ hong sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi.

Isaiah 8:14

Amah pen, a lamdang mahmahin a siangtho’ luatna hangin mite’ puktheihna ding suangtum tawh kibang hi. Judah le Israel kumpi gammite le Jerusalem khua-a a teng mite a awkna ding thangzak tawh kibang ding hi.

Late 50:15

Haksat hun ciangin keima tungah hong ko un. Note kong honkhia ding a, note in keima min nong thangsak ding uh hi,” a ci hi.

Late 46:7

Vanglian Topa eite tawh hong omkhawm a, Jakob Pasian eima belh ahi hi.

Late 20:1

Gimna na thuak ciangin Topa in nang hong en hen la, Jakob’ Pasian in nangmah hong dal ta hen!

Thu-hilhkikna 33:27

Tawntung Pasian pen nangma omna hi a, nangmah huh dingin tawntung khutte a om hi. Amah in na mai-ah galte nawtkhia-in, ‘Susia un,’ ci hi.

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Isaiah 32:2

Amaute pen huihpi panin belhna, guahpi panin bukna bang ding uh hi. Sehnel gam sungah a luang tui bang ding uh a, nisa gam sungah a om suangpi liim bang ding uh hi.

Late 108:12

Ka galdona uhah kote hong huh in. Bang hang hiam cih leh mihing’ huhna a mawkna hi.

Late 142:4

Ka kiim ka pam khuadakin ka en kawikawi a, ahih hangin kei hong huh ding kuamah om lo hi. Ka belh ding kuamah om lo a, kuamah in kei hong don lo hi.

Late 48:3

A muanhuai tua mualah amah a hu taktakpa ahihna Pasian in a lakkhin hi.

1 KHANG TANGTHU MASATE 16:33

Tua ciangin gamlak singte in lungdamna tawh Topa’ mai-ah la sa ding uh hi; bang hang hiam cih leh leitung thu khen dingin amah hong pai hi.

Late 7:9

Lungsim le ngaihsutna a en a thuman Pasian aw, migilote’ siatna beisak inla, mi thumante kipsak in.

Late 67:5

Pasian aw, mi khempeuh in nangmah hong phat hen la, mi khempeuh in nangmah hong pahtawi tahen.

Late 96:10

Minam khempeuh lakah thu gen kawikawi unla, “Topa in uk hi. Leitung kikipsak a, kiling ngei lo ding hi. Amah in mihingte’ thu a manin khen ding hi,” ci un.