Late 9:12 - Tedim Bible

¹² Bang hang hiam cih leh mi thahna a hua pa in amaute phawk a, a thuak mite’ awging amah in mangngilh lo hi.

Tedim Bible Revision 2017

¹² Bang hang hiam cih leh mi thahna a hua pa in amaute phawk a, a thuak miteʼ awging amah in mangngilh lo hi.

Late 9:12 Referans Kwoze

Paikhiatna 3:7

Tua ciangin Topa in, “Egypt-ah a om ka mite’ gimna mu khinin, amaute a uk nasem ukte’ hangin amau’ kikona ka za khin hi. Amau’ thuaknate ka thei a,

Late 34:6

Hih mi hehpihhuai pa kiko-in, Topa in amah za a, ama haksatna khempeuh panin amah a honkhia hi.

Mangmuhna 16:6

Amaute in mi siangthote le kamsangte’ sisan luangsak uh ahih manin tu-in amaute’ dawn dingin sisan a pia na hi hi. Hih pen amaute’ ngah dingin a kilawm ahi hi,” a cihna thu ka za hi.

Piancilna 9:5

Mi khatpeuh in hong thah le ama tungah sihna dan ka pia ding hi. A hong that ganhing peuhmah ka that ding a, a mipihte a that mi peuhmah gim ka pia ding hi.

Isaiah 26:21

Bang hang hiam cih leh en un, amau’ mawhna hangin leitungah a teng mite gim a pia dingin ama omna panin Topa hong paikhia a, leitung in ama tunga a kithat mite lakkhia ding a, a kithat ama mite sincip nawn lo ding hi.

Late 22:24

Bang hang hiam cih leh amah in a thuak mi’ gimna simmawh bawl lo a, zong kihbawl lo hi. Ama kiang pan a mai seello a, ama tungah a koh ciangin, amah in a za hi.

Thukhente 10:16

Tua ahih ciangin amaute in amau’ lak panin gamdang pasian-te koih khia-in Topa a bia uh hi. Tua ahih ciangin Israel-te’ gentheihna ah amah a dah hi.

Late 102:17

Amah in mi cimawhte’ thungetna kinin, amau’ thumna simmawh lo ding hi.

Late 10:17

Topa aw, lungnemte’ deihna na ngai ding hi. A lungsim uh na hatsak ding a, na bil na ngat ding hi.

Late 10:14

Nangmah in na mu hi. Na huh theih nadingin haksatna le gimna a thuakte na ciamteh hi. A tuahsia mi in nangma tungah ama pumpi hong ap a, pa nei lote a huhpa na hi hi.

Paikhiatna 3:9

Tu-in, en in, Israel mite’ kikona kei kiang hong tung khin a, Egypt mite in amaute a netniamna ka mu khin hi.

Mattiu 23:35

Tua thu hangin, mawh nei lo Abel a kithah hun a kipanin biakinn le biakna tau kikal-a na thah uh, Barakhiah’ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Late 68:17

Leeng muanhuai tul sawmnih, vantungmi a tultul tawh, Sinai mual pan siangtho munah Topa hong pai hi.

Late 74:2

Tanglai-in na ngahsa na mihonte, nangma luah minam dingin na tatkhiatsate phawk in! Na tennasa Zion Mual hong phawk in.

Late 76:3

Amah in tua lai-ah thaltangte, lum, namsau, le galhiamte a kuaitan hi.

Late 132:13

Bang hang hiam cih leh Topa in Zion teel khinzo a, amah in tua mun pen ama ten nadingin a deih hi.

Isaiah 8:18

En un, Topa in kei hong piak ka tate le keima pumpi pen Zion Mual tungah a teng Vanglian Topa’ tung panin Israel mite’ sungah lim le kihilna ka hi uh hi.