Late 83:4 - Tedim Bible

⁴ Amaute in, “Hong pai un, minam khat hihna panin amaute beisak ni. Israel min peuhmah kiphawksak nawn kei ni!” ci uh hi.

Tedim Bible Revision 2017

⁴ Amaute in, “Hong pai un, minam khat hihna panin amaute beisak ni. Israel min peuhmah kiphawksak nawn kei ni!” ci uh hi.

Late 83:4 Referans Kwoze

Jeremiah 11:19

A kigo dingin a kipaipih mawhna a nei lo tuuno bang ka hi hi. Amaute in, “Singkung a gahphat hun laitakin phuktan ni. Ama min a kiphawk nawn loh nadingin amah thatlum ni,” ci-in a gen uh a, kei hong sawmna uh ahihlam ka thei kei kha hi.

Jeremiah 48:2

Moab gam a minthanna beita hi. Heshbon khua-ah a galte un a simna ding uh vaihawm uh a, ‘Hong pai un, Moab gam i beimangsak ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nungdelh ding hi.

Late 74:8

Amaute in, “A vekpi-in zo mang khin ni,” kici uh a, gam sung tenga om Pasian biakna inn khempeuh mei tawh a hal uh hi.

Daniel 7:25

“Amah in a Lianpen Pasian langpangin thu gen ding a, Pasian’ mite a bawlsia ding hi. Amah in amaute’ biakna tawh kipawl thukhamte le pawi bawlna hunte kheelsak ding hanciam ding a, ama khut sungah kum thum le alang sung Pasian’ mite a om ding uh hi.

Paikhiatna 1:10

Amaute hong tam kha ding uh ahih manin ngaihsut siamna tawh amaute hih ni. Eite tungah gal hong om leh amaute in i galte pawlin eite hong do-in hih gam panin taikhia kha ding uh hi,” a ci hi.

Jeremiah 31:36

Amah in, “Topa in kong cihin-ah, hih a kip mahmah leitung le vantung ngeinate a kikheel hun ciang bekin, Israel mite’ suanlekhakte in gam nei loin a om pan bek ding uh hi,” a ci hi.

Paunak 1:12

I muh tungin a cidam, a hing kimlai hinapi, i suk khit ciangin a sisa hi ding!

Sawltak 4:17

Ahi zongin mite lakah hih thute a kitheihthang thuah loh nadingin, Jesuh’ min tawh kuama kiangah thu a gen ngei nawn loh nadingun taii ni,” a kici uh hi.

Joshua 9:2

Joshua le Israel mite a do dingin lungsim kikhatin kikhawm uh hi.

Nehemiah 4:2

Amah in a kikholhpihte le Samaria galkapte’ kiangah, “Hih Jew mi niangnuangte in bang hih ding a kipan ahi uh hiam? Hih mun a bawlpha dinga kingaihsun ahi uh hiam? Biakpiakna hangin a nasep uh ni khat sungin zo dingin kilamen ahi uh hiam? Amaute in a kangtumsa ninbulomtang panin suangtum bawlkik thei ding ahi uh hiam?” ci hi.

Ezekiel 38:10

“Topa Pasian ahi keimah in nang Gog tungah kong genin-ah: Tua hun ding hong tun ciangin na lungsim sungah gitloh gamtat ding ngaihsut na kipan ding hi.