Late 83:1 - Tedim Bible

¹ Pasian aw, dai dide-in om kei in. Lungnuamin, tang loin ommawk kei in, Pasian aw.

Tedim Bible Revision 2017

¹ Pasian aw, dai dide-in om kei in. Lungnuamin, tang loin om mawk kei in, Pasian aw.

Late 83:1 Referans Kwoze

Late 28:1

Topa aw, awngin nang kong sam hi. Ka belh suangpi aw, keima thu-ah hong bilngong kei in. Tua bangin kei tungah hong dai dide lecin, Leihawm sunga a paisukte tawh a kibang ka suak ding hi.

Late 35:22

Topa aw, na mu khin hi; dai ommawk ke’n! Topa aw, kei kiang panin gamla om ke’n!

Late 50:3

Eite’ Pasian hong pai a, amah dai ommawk lo hi. Ama mai-ah mei husia om a, a kimkotah huihpi om hi.

Isaiah 42:14

Pasian in hih bangin ci hi: “Sauveipi sung bangmah hih loin ka om a, keimah le keimah kikhamcipin ka om hithiat hi. Tu-in ahihleh numei nausuak ding bangin ka kikokhia ding a, ka kam ka-in ka tungnak ding hi.

Late 44:23

Topa aw, bang hangin ihmu na hi hiam? Nangmah hong tho tawm in!

Late 50:1

Vanglian, Topa Pasian hong paukhia a, nisuahna le nitumna kikal leitung mi khempeuh a khawm hi.