Late 82:2 - Tedim Bible

² “Note in bang tanvei a man loin thu khenin, migilote tungah angvanna zang ding na hi uh hiam?

Tedim Bible Revision 2017

² “Note in bang tanvei a man loin thu khenin, migilote tungah angvanna zang ding na hi uh hiam?

Late 82:2 Referans Kwoze

Thu-hilhkikna 1:17

Thukhenna-ah angvan na nei kei ding uh hi. A neu le a liante a kibangin a thu na ngai ding uh a, maitang zahtak tuam na nei kei ding uh hi. Bang hang hiam cih leh thukhenna pen Pasian-a’ ahi hi. Note a dingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Paunak 18:5

Mimawhte angvanin diksak a, midikte mawhsak ding thuman lo hi.

Galati 2:6

Jerusalem khua-a om makai lian a kinei mite in kei’ nasepna tawh kisai thu-ah bangmah genthuah ding nei lo uh hi. (Pasian in maitang zahtak tuam nei tuan lo ahih manin hih bangin thu a gen ngam ka hi hi.)

Late 62:3

Note khempeuh in kawm a hoi tawh a kibang, gawl bangin a kiling mi khat a susia dingin bang tanvei hih huan nilohin, susia ding na hi uh hiam?

JOB (Job) 34:19

Pasian pen mi khempeuh a hong piangsak pa hi a, amah in uliante panpih tuan nei lo a, mizawngte sangin mihaute thupi ngaihsutzaw tuan lo hi.

2 KHANG TANGTHU NIHNATE 19:7

Tu-in note in Topa zahtak unla, na hihnate uhah kingaihsun un. Bang hang hiam cih leh Topa i Pasian in thuman heikhiatna, mi deidanna, le sumgolh laknate deih lo hi,” a ci hi.

1 KUMPI MASATE 18:21

Tua ciangin mi khempeuh’ nai-ah Elijah hong pai-in, “Ngaihsutna kibang lo thu nih kikalah bang tanvei khensat loin om niloh ding na hi uh hiam? Topa pen Pasian ahihleh amah zui un; tua hi loin Baal pen Pasian ahihleh amah zui un,” a ci hi. Ahi zongin mite in kam khat beek dawng lo uh hi.

Siampi Laibu 19:15

“Note in thukhenna-ah thu a tang loin na khen kei ding uh hi. Mizawngte langgen loin, a liante’ thu zui loin, thumanna tawh na vengte uh thu na khen ding uh hi.

Paikhiatna 10:3

Tua ahih ciangin Faro’ kiangah Moses le Aaron pai-in ama kiangah, “Hebru mite’ Pasian, Topa in hih bangin ci hi: ‘Ka mai-ah nang na kiniamkhiat nading bang tanvei nial ding na hi hiam? Amaute in keimah hong biak theih nadingin ka mite paisak in.

Mattiu 17:17

Jesuh in, “Upna nei lo, a ngaihsun khial mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

JOB (Job) 32:21

Hih ka thugenna-ah kuamah ka pawlpih kei ding a, kuamah phattuam ka nei kei ding hi.

Ezekiel 45:9

“Topa Pasian in hih bangin ci hi: No Israel a uk uliante aw, na mawh gamtatna uh sauveizo lua ta hi. Na ngongtatnate uh le mi na nenniamnate uh khawl unla, thuman thutangin na sem un. Amau’ leitang panun ka mite notkhia nawn kei un. Topa Pasian keimah in hih thu kong gen hi.