Late 81:6 - Tedim Bible

⁶ “Na liangko uha om na vangikte uh ka hong lakkhiatsak a, na khut uha vangikte ka hong khiasak hi.

Tedim Bible Revision 2017

⁶ “Na liangko uh a om na vangikte uh ka hong lakkhiatsak a, na khut uh a vangikte ka hong khiasak hi.

Late 81:6 Referans Kwoze

Isaiah 9:4

Bang hang hiam cih leh Midian-te a kizawh ni-a bangin nangmah in amau’ vangik puakna hakkol le amaute a kisatna ciangkhut na kuaihtansak a, nangma mi a bawlsia minamte na zogawp hi.

Isaiah 10:27

Tua ni ciangin na liangko panun ama vangikpi kinkhia ding a, ama hakkol pen na ngawng panun bei ding hi,” a ci hi.

Paikhiatna 6:6

Tua ahih ciangin Israel mite’ tungah, ‘Kei pen Topa ka hi hi. Egypt mite’ na na sepna uh panin note kong paikhiatpih ding hi. Amau’ sal hihna panin note kong khahkhia ding a, a thahat ka khut zanin thukhenna nasep lian tawh note kong honkhia ding hi.

Mattiu 11:29

Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Late 68:13

ngun tawh a kizut vakhu limte hi a, a khate kham tawh kizut hi. Bang hangin note pawlkhat, tuukhawk sungah mawk om na hi uh hiam?

Paikhiatna 1:14

buan le leiseek tawh nasepna le lo sungah nasep namkim khempeuh tawh amau’ nuntakna haksasak uh hi. Israel mite’ sepna khempeuhah amaute in a gim mahmahin semsak uh hi.

1 KHANG TANGTHU MASATE 4:23

Hihte pen beelseekte hi a, Netaim khua le Gederah khua-ah a tengte ahi uh hi. Ama na a sem dingin kumpipa tawh tua khuate-ah tengkhawm uh hi.

Late 114:1

Israel-te, Egypt gam panin pusuakin, Jakob innkuanpihte paudang a zang mite kiang pan a paikhiat uh ciangin