Late 81:5 - Tedim Bible

⁵ Egypt gamah a pai lai-un Israel mite’ tungah thupiakna-in amah in a neih ahi hi. Ka theih ngei loh kampau khat hih bangin ka za hi:

Tedim Bible Revision 2017

⁵ Egypt gamah a pai lai-un Israel miteʼ tungah thupiakna-in amah in a neih ahi hi. Ka theih ngei loh kampau khat hih bangin ka za hi:

Late 81:5 Referans Kwoze

Late 114:1

Israel-te, Egypt gam panin pusuakin, Jakob innkuanpihte paudang a zang mite kiang pan a paikhiat uh ciangin

Jeremiah 5:15

“En un, Israel minamte aw, Topa in kong cihin-ah, gamlapi panin note a hong sim dingin gam khat kong kuansak ding hi. Tua gam pen tanglai pekin a om khinsa, a hat mahmah, amaute’ pau na theih loh uh gam khat ahi hi.

Thu-hilhkikna 28:49

Topa in a gamlapi leimong panin muvanlai leeng bangin a manlang, amau’ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, note’ langkhatah hong paipih ding a,

Late 77:15

Nangmah in na vangliatna tawh Jakob le Josef’ suante, na mite na honkhia hi.

Isaiah 28:11

A mantakin, note in ka thugen na ngaih kei uhleh Topa in a pau na theih loh uh gamdang mite, note tungah thu hong hilhsak ding hi.

Paikhiatna 12:27

note in, ‘Topa’ Paisanna hangin biakpiakna ahi hi. Amah in eite’ innkuante hong khawi-in Egypt mite a thah lai-in Egypt gam sungah Israel innkuante paisan hi,’ na ci ding uh hi,” a ci hi. Mite in a lu uh kunin Pasian a bia uh hi.

Paikhiatna 12:12

“Bang hang hiam cih leh keimah in tua zanin Egypt gam ka nawk ding a, Egypt leitang tungah mihing hitaleh ganhing hitaleh tacil khempeuh ka vatlum ding a, Egypt pasian-te khempeuh tungah thu ka khen ding hi. Kei pen Topa ka hi hi.

Paikhiatna 11:4

Moses in Faro’ kiangah, “Topa in hih bangin ci hi: Zankim pawlin Egypt mite’ lakah ka pai ding hi.

Amos 6:6

Leenggahzu hai lianpipi-in na dawn uh a, sathau hoihpente tawh na kizut uh hi. Ahi zongin Josef minamte’ siatna hangin themkhat zong na dah het kei uh hi.

Ezekiel 20:20

Kei pen Topa ahi note’ Pasian ka hihna na phawkna ding uh le note tawh i bawlsa thukimna lim dingin Sabbath-te na siangthosak un,’ ka ci hi.

Thu-hilhkikna 4:45

Hihte pen, Egypt gam panin a paikhiat-un Moses le Israel mite in a zawh Heshbon-ah a teng Amor mite’ kumpipa Sihon’ gam sung, Jordan gal, Bethpeor tawh a kigalsai kuam sungah, Egypt panin Israel mite a paikhiat lai-in Moses in amaute tungah a gen thute ahi hi.

Paikhiatna 12:29

Ama kumpi tokhom tunga a tu Faro’ tacil a kipanin thongmial sunga a om a kiman mite’ tacil le ganhing tacil khempeuh, zankim laitakin Topa in vatgawp hi.