Late 81:3 - Tedim Bible

³ Khadet, khalik, i pawi ni-in peengkul tum un.

Tedim Bible Revision 2017

³ Khadet, khalik, i pawi ni-in peengkul tum un.

Late 81:3 Referans Kwoze

2 KHANG TANGTHU NIHNATE 2:4

En in, Israel-te a dingin a tawntung a ding a kikipsaksa bangin, ama mai-ah a namtui nate ahi paknamtui halna ding, le Ompihna Anlum piak tawntungna ding, le Sabbath nite, Khadet nite, le Topa kote’ Pasian a dingin a kisehsa pawi nite-in zing le nitakin meihal biaknate piak nadingin Topa ka Pasian’ minin biakinn khat lamin ama tungah a ap ding ka hi hi.

Gamlak-vakna 15:3

bawnghon pan hitaleh tuuhon pan hitaleh thuciamna tunsak nadingin Topa’ tungah meihal biakna ahi a, biakpiakna ahi zongin na piak ciang uh hitaleh, Topa’ tungah a gim namtui bawl nadingin utthu-a biakna hitaleh, a kiseh pawi hunte-ah biakpiakna hitaleh na piak uh ciangin,

2 KHANG TANGTHU NIHNATE 13:14

Judah mite a khuadak uh ciangin, amau’ mai le a nung uhah gal a omlam mu uh hi. Tua ciangin Topa’ tungah amaute kiko uh a, siampite in a peengkulte uh a tum uh hi.

2 KHANG TANGTHU NIHNATE 13:12

En un, kote’ lutangin kote tawh Pasian hong omkhawm a, note a do ding sapna peengkul a tum dingin a siampite a galkap peengkulte uh tawh hong om uh hi. Israel mite aw, na pu na pate uh Pasian, Topa do kei un; bang hang hiam na cih uhleh na tangtung kei ding uh hi,” a ci hi.

2 KHANG TANGTHU NIHNATE 5:12

Tua ciangin Levi mi lasate Asaf, Heman, le Jeduthun, amau’ tapate le a behte, saihadial puan tawh kizemin, daltuahte, harp lasaknate, le laiza lasaknate tawi-in peengkul tum siampite za le sawmnih tawh biakna tau nisuahna lamah ding khawm uh hi.

1 KHANG TANGTHU MASATE 16:42

Heman le Jeduthun inla aw dingin peengkulte le daltuahte nei uh a, biakna lasak nadingin lasakna nate nei uh hi. Jeduthun’ tapate kulhkongpi cing dingin kiseh hi.

1 KHANG TANGTHU MASATE 16:6

siampite Benaiah le Jahaziel-te in Pasian’ Thuciamna Singkuang mai-ah peengkulte a tum paisuak ding uh ahi hi.

1 KHANG TANGTHU MASATE 15:24

Siampite Shebaniah, Joshafat, Nethanel, Amasai, Zekhariah, Benaiah, le Eliezer-te in Pasian’ Thuciamna Singkuang mai-ah peengkulte tum ding uh hi. Obededom le Jehiah-te zong Thuciamna Singkuang a dingin kongcingte hi ding uh hi.

2 KUMPI NIHNATE 4:23

Tua ciangin amah in, “Bang hangin tuni-in ama kiangah pai ding na hi hiam? Khadet ni ahi a, Sabbath ni ahi zongin hi lo hi,” a ci hi. Amah in, “Hong hoih na ding hi,” a ci hi.

Thu-hilhkikna 16:15

Topa in a teelna munah ni sagih sung Topa na Pasian uh tungah pawi na bawl ding uh hi. Bang hang hiam cih leh note na lungdam khawm theih nadingun na khawhsa uh le na khut uh tawh na sepna khempeuh uhah Topa na Pasian un note thupha hong pia ding hi.

Gamlak-vakna 28:11

“Kha simin a ni masa ni-in Topa’ tungah meihal biakna na pia ding uh hi. Bawngtal nih, tuutal khat, a sitbaang lo kum khat a pha tuuno a pa sagih hi ding hi.

Kolose 2:16

Tua ahih manin annek tuidawn, biakna pawite, Khadet pawi, le Sabbath ni tawh kisai-in kuamah in ngeina zuih ding bawl kei un.

Nahum 1:15

En un, mualtungah kamtai pa hong tai a, gualzawhna ding thupha hong gen ding ahi hi. Judah mite aw, pawi bawl unla, Pasian’ tungah na ciam bangun gamta un. Bang hang hiam cih leh migilote kisusiacip khin a, na gam uh hong simkik nawn lo ding hi.

Kah la 2:6

Amah in biakna Biakinnpi a zan gawpsak hi. Amah in biakna ni siangtho nite le Sabbath nite a beisak hi. Kumpite le siampite in a nasia ama hehna a thuakkhawm uh hi.

Late 98:6

Peengkulte le saki aw tawh Topa, Kumpipa’ mai-ah lungdamna gingsak un.

1 KHANG TANGTHU MASATE 15:16

Lungdamna aw ginsak nadingin lasakna nate, harp lasakna le laiza lasaknate le a daltuahte nakpitakin tumin la a sa dingin Levi ukpite in a mipihte uh a sehna ding David in thu a pia hi.

1 KHANG TANGTHU MASATE 15:19

Lasate Heman, Asaf, le Ethan-te in sumngo daltuahte a tum ding uh ahi hi.

1 KHANG TANGTHU MASATE 25:1

David le nasepna ah a ukpite in zong laiza lasaknate, harp lasaknate, le daltuahte tawh Pasian thu a gen dingin Asaf, Heman, le Jeduthun-te’ tapate pawlkhat nasepna-a dingin koihtuam uh hi. Na a semte le amau’ nasepte:

Late 33:2

Laia khausai lasakna tawh Topa phat unla, harp zang sawm khausai lasakna tawh ama tungah la ngaih sa un.

Late 149:3

Lamna tawh amah phat unla, khuang le laiza lasakna tawh ama tungah la ngaih sa un.