Late 81:10 - Tedim Bible

¹⁰ Egypt gam panin note a hong lakhia, Topa na Pasian uh ka hi hi. Na kam uh a golin ka un, keimah in kong dimsak ding hi.

Tedim Bible Revision 2017

¹⁰ Egypt gam panin note a hong la khia, Topa na Pasian uh ka hi hi. Na kam uh a golin ka un, keimah in kong dimsak ding hi.

Late 81:10 Referans Kwoze

Johan 15:7

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

Late 107:9

Bang hang hiam cih leh amah in a gilkial a dangtakte phasak a, bangmah a nei lote tungah na hoih tampi a pia hi.

Paikhiatna 20:2

“Kei pen salsuahna Egypt gam panin note a hong paikhiatpih Topa na Pasian uh ka hi hi.

Johan 7:37

Pawi bei ni ding pen a thupi pen ni hi a, tua ni-in mihon lakah Jesuh dingin nakpitakin kiko a, “A dangtak na om uhleh ka kiangah hong pai unla tui hong dawn un.

Mangmuhna 21:6

Tua ciangin amah in, “Tu-in man khinta! Kei pen a kipatna le a tawpna a cihna Alfa le Omega ka hi hi. A dangtak mi khempeuh tungah nuntakna tuinak panin a khongin tui ka pia ding hi.

Mangmuhna 22:17

Kha Siangtho le Mothak in Jesuh kiangah, “Hong pai in,” a ci uh hi. Hih thu a za mi khempeuh in zong Jesuh aw, “Hong pai in,” ci ta uh hen. A dangtak mi khempeuh hong pai uh hen la, a deih khempeuh in nuntakna tui a khongin hong la ta uh hen.

Johan 16:23

“Tua hun ciangin kei kiangah bangmah nong ngen nawn kei ding uh hi. A mantakin kong genin-ah, keima min suangin na nget peuhpeuh uh Pa in hong pia ding hi.

Jeremiah 11:4

Tua pen na pute na pate uh, sik haltuina meikhuk tawh a kibang Egypt gam pana ka lakkhiat ni-a ka thuciamna ahi hi. Tua ni-in, ka thu hong ngai-in kong thupiakna bangin na sep uhleh, note ka mi na hi ding uh a, kei pen note’ Pasian hi-in,

Paikhiatna 20:3

“Keimah longal pasian dang na bia kei ding uh hi.

Thu-hilhkikna 5:7

“‘Keimah longal pasian dang na nei kei ding uh hi.

Joshua 24:14

“Tua ahih ciangin tu-in Topa zahtak unla, lungsim tak le thumanna tawh ama na sem un. Na pu na pate un Gun gal le Egypt gam sungah a biak uh pasian-te koihkhia unla, Topa’ na sem un.

Joshua 24:23

Amah in, “Tua ahihleh note’ lakah a om gamdang pasian-te koihkhia unla, Israel Pasian, Topa’ lamah na lungsim uh nga un,” a ci hi.

Hosea 8:3

amaute in a hoih nate paaikhia uh ahih manin a galte un delh ding uh hi.