Late 8:1 - Tedim Bible

¹ Topa kote’ Topa aw, leitung khempeuhah na min lian mahmah hi. Nangmah a hong kiphatna awgingte in vantung ban a,

Tedim Bible Revision 2017

¹ Topa koteʼ Topa aw, leitung khempeuh ah na min lian mahmah hi. Nangmah a hong kiphatna awgingte in vantung ban a,

Late 8:1 Referans Kwoze

Late 8:9

Topa, kote’ Topa aw, leitung khempeuhah na min lian mahmah hi.

Late 148:13

Topa’ min phat un. Bang hang hiam cih leh amah bek a minlian hi a, ama minthanna pen leitung le vantung sangin sangzaw lai hi.

Late 57:5

Pasian aw, vantungah na liatna kilangsak in. Leitung khempeuhah na minthanna omsak in.

Paikhiatna 15:11

“Topa aw, pasian-te’ lakah kua, nang tawh kibang ahi hiam? Kua, nang tawh kibangin, sianthona-ah lianin, minthang nasepna-ah kihtakhuai-in, nalamdang sem ahi hiam?

Habakkuk 3:3

Teman khua panin Pasian hong pai a, Paran Mual panin Siangtho Pa hong pai hi. Ama minthanna vang in vanpi tuam a, leitung khempeuh, amah phatna tawh kidim hi.

Late 145:1

Ka Pasian le ka Kumpipa aw, nangmah hong pahtawi-in a tawntungin nangma min kong phatphat ding hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesuh i neih a hoih mahmah ahi hi.

Isaiah 26:13

Topa, kote’ Pasian aw, nang ahi lo to dangte in ko tungah hong uk hangin, nangmah bek mah kote’ Topa na hi hi.

Mangmuhna 19:6

Tua ciangin tuizeu ging le vanging tawh a kibang mihonpi kikona awging bang khat ka za a, “A Vanglian eite’ Topa Pasian kumpi suakkhin ahih manin Pasian phat un.

Late 81:1

Eite’ thahatna Pasian’ tungah nakpitakin la sa unla, Jakob Pasian’ tungah lungdamin awng un.

Late 36:5

Topa aw, na itna kip in vantung ban a, na cihtakna in vanpi dong banto hi.

Thu-hilhkikna 28:58

“Hih a minthang, a zahtakhuai min, Topa na Pasian uh na kihtak theih nadingun hih laibu sunga kigelh hih thute limtakin zuih ding na ngaihsut kei uhleh,

Filippi 3:8

Hih bang nate bek hi loin, ka Topa Jesuh Khrih ka theihna manphazaw lua sa ka hih manin na dang khempeuh ka sum ngamzaw lai hi. Khrih hangin na dang khempeuh ka nusia khin a, Khrih tawh ka kipawl theih nadingin na dang khempeuh ninneng bang lelin ka ngaihsun hi.

Late 84:1

Vanglian Topa aw, nangma tenna mun bangzah takin etlawm ahi hiam?

Late 68:4

Pasian’ tungah la sa unla, ama min phatna la sa un. Meiite tungah a tuang pa la sak un. Ama min pen Topa ahi hi; ama mai-ah lungdamin diang un!

Late 63:1

Pasian aw, keima Pasian na hi hi. Nangmah kong zong a, ka lungsim khempeuh tawh nang kong deih hi. Tui om lohna gamkeu bangin ka pumpi bup in nang hong deih hi.

1 KUMPI MASATE 8:27

“Ahih hangin leitungah Pasian teng taktak ding ahi hiam? Vantung le vantung a sangpen in nang hong huam zo lo hi. Tua ahih manin keima lamsa hih biakinn in bangzahin nang hong huam zo lo zaw kan ding ahi hiam?

Efesa 4:10

Tua ahih manin mun khempeuhah a omkim khit theih nadingin a paisuk mipa pen mah vantung a sangpen dawn nangawn khengto-in na paito hi.

Solomon la 5:16

A kampaute khum zungzung a, a vekin, deih loh ding khat zong om lo hi. Ka ngaihno, hih bang teng hi, Jerusalem nungakte aw.

Johan 20:28

Thomas in zong, “Ka Topa, ka Pasian!” ci-in a dawn ciangin

Mattiu 22:45

David in Khrih pen Topa ci ahihleh bang hangin Khrih pen David’ suan hi thei ding ahi hiam?” ci-in thu a dong hi.