Late 72:3 - Tedim Bible

³ Mual liante le mual neute in thumanna tawh na mite a dingin nopna tampi piangsak tahen.

Tedim Bible Revision 2017

³ Mual liante le mual neute in thumanna tawh na mite adingin nopna tampi piangsak tahen.

Late 72:3 Referans Kwoze

Isaiah 52:7

Thuhoih hong puak, kilemna thu a genzak, thuhoih thupha a hong puak, hotkhiatna thu a genzak, Zion tungah, “Na Pasian in uk hi,” ci-in mualte kantanin thu hong gen kamtai pa bangzahin hoih ahi hiam?

Joel 3:18

Tua hun ciangin mualtung khempeuh leenggui lo hi ding a, mual neute khempeuh tungah bawnghon dim ding a, Judah gam sung khempeuhah tui tampi om ding hi. Topa’ biakinn panin luitui khat hong luangkhia ding a, Shitthim kuamsung khempeuh a kawtsak ding hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Late 72:16

Gam sung khempeuhah an tampi tak piang hen la, mual liante dawnah dim mema-in Lebanon gam hoih sung bang ta hen la, gamlak a lopate bangin khuapite sunga om mite pung ta uh hen.

Late 65:12

Ganhing tatna, a noptuak mahmah munte-ah ganhing honte omin, mualte khempeuh zong lungdamna tawh kidim a,

Isaiah 45:8

Vantungte aw, tunglam panin thuman zusak unla, vantungte in thumanna buasuk ta un. Hotkhiatna a pokhiat theih nadingin leitang kihongsak unla, thumanna zong pokhiato sak un. Keimah Topa in hih thu ka bawl khinzo hi.

Isaiah 60:17

Sumngo tangin kham kong puak ding a, sik tangin ngun kong paipih ding hi. Sing tangin sumngo, suang tangin sik kong puak ding hi. Nuam na sak nadingin na mang liante uh bawlin na nasem ukte uh thuman thutang tawh na ka semsak ding hi.