Late 72:2 - Tedim Bible

² Amah in thumanna tawh na mite tungah thu khen hen la, na mizawngte tungah thu a tangin khen tahen.

Tedim Bible Revision 2017

² Amah in thumanna tawh na mite tungah thu khen henla, na mizawngte tungah thu a tangin khen tahen.

Late 72:2 Referans Kwoze

Isaiah 32:1

En un, ni khat ni ciangin thuman takin kumpi khat in hong uk ding a, uliante in thutang tawh hong uk ding uh hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Isaiah 32:17

Tua ciangin thumanna hangin nopna om ding a, thumanna hangin daihna le lungmuan tawntungna om ding hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Late 12:5

Topa in, “Mizawngte a neihsa kihawkkhia a, mi cimawhte thumin tau uh ahih ciangin tu-in dingin, amau’ lunggulh, lungmuanna munah amaute ka koih ding hi,” a ci hi.

JOB (Job) 34:19

Pasian pen mi khempeuh a hong piangsak pa hi a, amah in uliante panpih tuan nei lo a, mizawngte sangin mihaute thupi ngaihsutzaw tuan lo hi.

Jeremiah 33:15

Tua hun ciangin David’ suan lak panin kumpi dingin a diktat mi khat ka khangsak ding a, amah in gam sungah thuman tawh thu hong khen ding hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

1 KUMPI MASATE 3:28

Tua ciangin Israel mi khempeuh in kumpipa’ piak thukhenna za uh hi. Thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdangsa-in a om uh hi.

1 KUMPI MASATE 10:9

Nang tungah lungdamin Israel kumpi tokhom tungah nang a hong koih Topa na Pasian in thupha ngah ta hen! Topa in Israel it tawntung ahih manin nangmah in thutang le thuman na sepkhiat theih nadingin amah in kumpi-in nang hong bawl hi,” a ci hi.

1 KHANG TANGTHU MASATE 29:19

Amah in a lungsim khempeuh tawh na thupiaknate, na teci pannate, le na thukhamte kemin a vekpi-in sem a, keimah in ka vaihawmsa biakinn lianpi amah in a lam theih nadingin ka tapa Solomon tungah utna lungsim guan in,” a ci hi.

Paunak 29:14

Kumpipa in mizawngte’ thu a manin khensak leh a ukna kip tawntung ding hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.