Late 7:6 - Tedim Bible

⁶ Tho in, Topa, a hehsa-in thasaan inla, ka galte’ hehna panin kei hong dal in. Khanglo in, ka Pasian aw, thukhenna ding hun khat na seh khinzo hi.

Tedim Bible Revision 2017

⁶ Tho in, Topa, a hehsa-in thasaan inla, ka galteʼ hehna panin kei hong dal in. Khanglo in, ka Pasian aw, thukhen nading hun khat na seh khinzo hi.

Late 7:6 Referans Kwoze

Late 44:23

Topa aw, bang hangin ihmu na hi hiam? Nangmah hong tho tawm in!

Late 35:23

Ka Topa, ka Pasian aw, ka thu hong thei inla, kei a dingin nangmah hong kisosuah tawm in!

Late 3:7

Tho in, Topa! Kei hong hon in, ka Pasian! Bang hang hiam cih leh ka galte khempeuh’ paang nangmah in na beenggawp a, migilote’ ha na sutan hi.

Isaiah 33:10

Topa in minam dangte kiangah, “Tu-in ka gamtang ding a, ka vangliatna ka lak ding hi. Tu-in kei hong kipahtawi ta ding hi.

Late 138:7

Haksatna tuamtuamte ka thuak ciangin kei nong kem hi. A heh ka galte, kei’ tangin nong dosak a, na thahatna tawh kei na hong honkhia hi.

Late 44:26

Tho to in, kote a hong huh dingin hong pai in! Na itna kip hangin kote hong honkhia in!

Isaiah 51:9

Khanglo in, khanglo in; thakhauh in, Topa aw. Khang sawtpi, hun lui lai-a bangin na vangliatna zangin hong huh in. Rahab a satzan gawp pa, gulpi a sunpa, nangmah hi lo na hi hiam?

Isaiah 37:20

Tua ahih ciangin Topa kote’ Pasian aw, nang bek Topa na hihna thu leitung kumpi gam khempeuh in a theih nadingin, tu-in ama khutsung panin kote hong honkhia in,” a ci hi.

Isaiah 3:13

Topa in thupang dingin ama panmun hong la a, ama mite’ thu a khen dingin a ding hi.

Late 103:6

Topa in a kinengniamte a dingin thuman thutangin thu a khen hi.

Late 78:65

Tua ciangin Topa pen zukhamin a awng mi thahatpa, a ihmu tho bangin a khanglo hi.

Late 74:3

A sia densa munah hong pai in. Na biakinn sunga om khempeuh galte in susia khinta hi.

Late 73:20

Amaute pen zan a mangmat tawh kibang lel a, na khanlawh ciangin amaute a bangci pian hiam, ci-in na phawk nawn kei hi.

Late 59:5

Nang, Vanglian Topa Pasian, Israel’ Pasian na hi hi. Minam khempeuh gim a pia dingin tho inla, khemna tawh siat gamtat ding a sawmte kuamah siit kei in.

Late 35:1

Topa aw, kei hong langpangte langpang inla, kei hong dote do in.

Late 12:5

Topa in, “Mizawngte a neihsa kihawkkhia a, mi cimawhte thumin tau uh ahih ciangin tu-in dingin, amau’ lunggulh, lungmuanna munah amaute ka koih ding hi,” a ci hi.

2 SAMUEL NIHNA 17:14

Tua ciangin Absalom le Israel mite khempeuh in, “Arkhi mi Hushai’ thugen pen Ahithofel’ thugen sangin hoihzaw hi,” a ci uh hi. Bang hang hiam cih leh Topa in Absalom’ tungah siatna a tunsak theih nadingin Ahithofel’ thugen hoih in a lelh ding Topa in a sehsa ahi hi.

Late 143:3

Bang hang hiam cih leh gal in kei hong bawlsia-in hong zogawp hi. Sauveipi lai-a a site bangin a mial sungah hong tusak hi.