Late 7:2 - Tedim Bible

² Kei hong hon kei lecin a hong hon ding dang kuamah om lo ahih manin amaute in humpinelkai bangin hong kaikhia-in hong balgawp ding uh hi.

Tedim Bible Revision 2017

² Kei hong hon kei lecin a hong hon ding dang kuamah om lo ahih manin amaute in humpinelkai bangin hong kai khia-in hong bal gawp ding uh hi.

Late 7:2 Referans Kwoze

Late 50:22

“Tua ahih ciangin Pasian a mangngilh mite aw, hih thu ciamteh un. Tua hikeileh note kong balgawp ding hi. Note hong honkhia ding kuamah om lo hi.

Isaiah 38:13

zingsang dong huhna ngenin ka kiko hi. Humpinelkai bangin amah in ka guh khempeuh hong kuaihtansak a, sun le zan tawntung gimna hong kithuaksak hi.

1 PETER MASA 5:8

Note pilvangin khua phawk un. Na gal uh ahi Dawimangpa, humpinelkai bangin a nektheih ding zongin vak kawikawi hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasian’ thu a kicingin ka gentheih nadingin thahatna a hong pia hi. Tua ahih manin sih nading thukhenna pan hong suaktasak hi.

Paunak 19:12

Kumpipa’ hehna humpinelkai hawk bangin lauhuai a, ama pahtakna lopa tunga daitui taak bangin deihhuai hi.

Late 35:15

Ahih hangin kei ka tukna-ah amaute nuamin kikhawm uh a, kei simmawh dingin kikaikhawm uh hi. Ka theih ngei hetloh khebaite nangawn in tawlnga hetloin kei hong gensia niloh uh hi.

Late 22:13

Humpinelkai hawk, a sabawh nuam bangin amaute in kei hong kamkat beba uh hi.

Late 17:12

Amaute pen a balnen nuam humpinelkai tawh kibang uh a, humpinelkai khanglai sabuk tawh kibang uh hi.

Late 10:9

humpinelkai in a kuahawm sung pan a buk bangin amah in buksimin, mizawngte a man dingin buk a, a ngenthang sungah mizawngte kai-in a man hi.

JOB (Job) 10:7

Ka mawh lohna na thei a, nang kiang panin kei hong hon ding a om lohna na theihsa mah ahi hi.

2 SAMUEL NIHNA 14:6

Na nasemnu in tapa nih nei a, lo sungah amau tegel kitawng uh hi. Amau tegel a khen ding kuamah om lo a, khat in a khat pa satin that hi.

Thukhente 18:28

Amaute pen Sidon panin gamla uh ahih manin a honkhia ding om lo a, amaute in kuamah tawh kizopna nei lo uh hi. Tua mun pen Bethrehob-te’ neihsa kuam sungah om hi. Amaute in khuapi lamkikin a sungah teng uh hi.

Thu-hilhkikna 33:20

Gad minamte’ thu genin, “Gad a lianin a bawlpa in thupha ngah ta hen! Gad in humpinelkai bangin buk khikhe a, amah in a baan le a luzang, a balkham hi.

Late 11:1

Ke’n Topa ka bel hi. Bang hangin ka tungah, “Vasa leeng bangin mualtungah tai in;

Late 16:1

Pasian aw, nang hong bel ka hih manin keimah hong kem in.

Late 31:2

Na bil hong ngat inla, hong hon pak in! Ka belh ding suangpi hong hi inla, kei hong dal ding munkip muanhuai hong hi in!

Late 59:2

Siatna a bawlte’ kiang panin hong suaktasak inla, mi that nuamte’ kiang panin keimah hong hon in.