Late 69:3 - Tedim Bible

³ Ka kikokona-in ka gim a, ka dang keuta hi. Ka Pasian ka ngakngakna-in ka mitte maang ta hi.

Tedim Bible Revision 2017

³ Ka kikokona-in ka gim a, ka dang keu ta hi. Ka Pasian ka ngakngakna-in ka mitte maang ta hi.

Late 69:3 Referans Kwoze

Late 6:6

Ka tautauna-in ka gim hi. Zan sialin ka khitui in ka lupna tum a, ka kahkahna-in ka lupna kawt dikdek hi.

Isaiah 38:14

Phialphiah ahi a, gun vapi bangin ahi zongin ka hamham a, vakhu bangin ka tautau hi. Vantung lam kong etetna-in ka mitte a gim hi. Topa aw, kei hong kinengniam hi; keima lungmuanna hong hi ta in!

Late 119:123

Nangma hotkhiatna le a man na thuciamna hong tun ding ka etna-in ka mitte a gim ta hi.

Late 119:82

Na thuciamnate ka etetna-in ka mitte thazaw ta hi. “Cik ciangin hong hehnem ding na hiam?” kong ci hi.

Thu-hilhkikna 28:32

Na tapate uh le na tanute uh midang tungah kipia ding a, amaute ngai-in sun nilohin na mit un enin na mit uh gim ding hi. Tuate pen nomau’ tha tawh na dalzawh ding uh hi lo ding hi.

Hebru 5:7

Leitungah mihingin Jesuh a omlai-in sihna panin amah a honkhia thei ding Pasian tungah thu ngenin khitui naptui tawh thumin na kiko hi.

Johan 19:28

Tua hun ciangin Jesuh in na khempeuh kicingta hi, ci-in thei ahih manin Lai Siangtho sungah a kigelh thu a tuntheih nadingin, “Ka dangtak hi,” a ci hi.

Kah la 2:11

Ka kahkahna-in ka mit paatgawp ta a, ka lungsim gim lua mahmah hi. Ka mite a kisiatna hangin dahin husamin ka bahgawp hi. Naupangte le nungakte kongzing lakah sibup uh hi.

Late 69:21

Amaute in an dingin gu hong pia uh a, ka dangtakna-ah dawn dingin tuithuk hong pia uh hi.

Late 39:7

Tu-in Topa aw, ke’n, bang ngaklai ding ka hi hiam? Keima lametna nangma sung bekah om hi.

Late 25:21

Nang hong muang ka hih manin, kicinna le thutanna in kei hong kem tahen.

Late 22:15

Ka thahatna, leibeel phel bangin keu a, ka leii zong toncip ta hi. Nangmah in leivui sungah kei na hong koih hi.

Late 22:2

Ka Pasian aw, sunin kong kiko a, ahi zongin nong dawng kei hi. Zanin zong ka kiko a, ahi zongin lungsim nopna ka mu thei tuan kei hi.

JOB (Job) 16:16

Ka kahkahna-in ka mai khempeuh san gawp a, ka mitkhute bawkgawpin khua ka mu thei kei hi.

JOB (Job) 11:20

Ahih hangin migilote ahihleh cimawhin khuadak ding uh a, suahtakna ding lampi mu lo ding uh hi. Amau’ ngah ding ahihleh sihna bek ahi hi,” a ci hi.

Late 40:3

Eima Pasian phatna la thak keimah hong hilh hi. Mi tampite in hih thu mu-in amah zahtak ding uh a, amaute khempeuh in Topa muang ding uh hi.

Late 88:7

Nangma hehna keima tungah gik mahmah a, na tuihualte khempeuh tawh kei na hong vukcip hi.