Late 67:1 - Tedim Bible

¹ Pasian in eite hong hehpihin thupha hong pia hen la, eite khempeuh tungah a mai hong taangsak tahen.

Tedim Bible Revision 2017

¹ Pasian in eite hong hehpihin thupha hong pia henla, eite khempeuh tungah a mai hong taangsak tahen.

Late 67:1 Referans Kwoze

Late 4:6

Mi tampi in, “Thupha tampi hong pia in. Ko tungah na maitang vang hong taangsak in, Topa!” ci uh hi.

2 KORIN NIHNA 4:6

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.

Late 4:1

A thuman ka Pasian aw, ka hong sap ciangin hong dawng in. Gimna ka thuak ciangin nopsakna nong pia hi. Kei hong hehpih inla, ka thungetna hong za in.

Late 119:135

Na nasempa tungah na mai hong taangsak inla, na ngeina kipte hong hilh in.

Late 31:16

Na nasempa tungah na mai hong taangsak inla, na itna kip tawh kei hong hon in!

Late 80:19

Ka ngei uh hong bangsakkik in, Vanglian Topa Pasian aw. Kote khempeuh hong kihotkhiat theih nadingin na maitang hong taangsak in.

Late 80:7

Ka ngei uh hong bangsakkik in, Vanglian Pasian aw. Kote khempeuh hong kihotkhiat theih nadingin na maitang hong taangsak in.

Efesa 1:3

Khrih tawh eite i kipawlna hangin vantung gam panin kha tawh kisai letsong namkim hong pia ahih manin eite’ Topa Jesuh Khrih’ Pa ahi Pasian tungah i lungdamna ko ciat ni.

2 KORIN NIHNA 13:14

Topa Jesuh Khrih hong hehpihna thupha, le Pasian’ hong itna, le Kha Siangtho tawh kikholh theihna, note khempeuh tungah hong tung tahen.

Late 28:9

Na mite hon inla, na luahte thupha pia in. Amau a cing pa hi inla, a tawntungin amaute huh in.

Thu-hilhkikna 21:8

Topa aw, na hotkhiatsa Israel mite’ mawhna hong maisak inla, mawhna nei lo mipa a kithahna hanga mawhna na Israel mihingte hong thuaksak kei in. Mi thahna hanga mawhna pan hong maisak in,’ ci ding uh hi.

Late 6:1

Topa aw, na heh laitak hong taii kei inla, lungso sa-in hong thuhilh kei in.

Late 76:1

Judah gam sungah Pasian kithei a, Israel gam sungah ama min lian hi.