Late 6:2 - Tedim Bible

² Topa aw, thaneem ka hih manin kei tungah dikna hong zang in. Topa aw, ka guh ka taang na mahmah ahih manin hong damsak in.

Tedim Bible Revision 2017

² Topa aw, thaneem ka hih manin kei tungah dikna hong zang in. Topa aw, ka guh ka taang na mahmah ahih manin hong damsak in.

Late 6:2 Referans Kwoze

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

Late 31:10

Bang hang hiam cih leh ka nuntakna dahna vive hi a, ka hunte khuisatna vive ahi hi. Ka gentheihna hangin ka tha kiamgawp ta a, ka guhte zong ngaam ta hi.

Late 30:2

Topa ka Pasian aw, huhna a hong ngenin nang tungah kong awng a, kei na hong damsak khin hi.

Jeremiah 17:14

Topa aw, hong damsak lecin ka natna teng bei ding a, hong honkhia lecin kei ka suakta ding hi. Bang hang hiam cih leh nang pen ka hong phatpa na hi hi.

Late 51:8

Lungdamna le kipahna kei tungah hong pia inla, na hong sukgawp mipa hong lungdamsak in.

Thu-hilhkikna 32:39

‘Tu-in thei un, keimah a kici pa pen kei ka hi a, kei simloh pasian dang kuamah om lo hi. Ka that a, ka nungtasak hi. Ka liamsak a, ka damsak hi. Ka khutsung pan a honkhiazo kuamah om lo hi.

Late 38:7

Bang hang hiam cih leh ka ci sa mahmah a, nakpitakin ka ci na hi.

Late 38:3

Nangma hehna hangin kei ka ci na a, ka mawhna hangin ka pumtangin ka na hi.

Late 32:3

Ka mawhna ka pulak loh ciangin, sunthapai ka tautauna hangin ka pumpi a thaneem hi.

Piancilna 20:17

Tua ciangin Abraham in Pasian’ tungah thu ngen a, Pasian in Abimelek a damsak hi. Amaute in ta a neih theih nadingin a zi le a sila numeite zong a damsak hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Late 22:14

Tui buakkhiat bangin kei hong kibuakhia a, ka guh ka taang khempeuh kilawi mangkhin hi. Ka lungtang khuainun bang a, ka awm sungah tuisuak hi.

JOB (Job) 5:18

Bang hang hiam cih leh amah in a liamsak hangin a liamna tunsak ding a, ama satna liamma damsak ding hi.

Gamlak-vakna 12:13

Tua ciangin Moses in Topa’ tungah, “Amah damsak in, Pasian aw, kong thum hi,” ci-in a kiko hi.

Paikhiatna 15:26

“Note in Topa na Pasian uh thu limtakin na ngaih uh a, ama mai-ah a man nate hihin, ama thupiakte don a, ama ngeina kipte khempeuh na zuih uhleh, Egypt mite’ tungah ka tunsak natnate khat beek note’ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

JOB (Job) 19:21

Hong hehpih un! Hong hehpih un! Keima lawmte hi lo na hi uh hiam? Pasian in kei hong satpai ta hi.

Late 38:2

Bang hang hiam cih leh nangma thaltangte ka sungah hong tum khin a, ka tungah na khuttum hong tu khinta hi.

Jeremiah 10:24

Topa aw, a hoihbek takin, hehlua loin kei hong hilh in. Hong hehlua lecin kei ka si ding hi.