Late 59:3 - Tedim Bible

³ Bang hang hiam cih leh amaute in kei hong pangsim uh a, a kihtakhuai mite keimah hong langpangin kikaikhawm uh hi. Topa aw, keima thupalsatna hang hi lo,

Tedim Bible Revision 2017

³ Bang hang hiam cih leh amaute in kei hong pangsim uh a, a kihtakhuai mite keimah hong langpangin kikaikhawm uh hi. Topa aw, keima thupalsatna hang hi lo,

Late 59:3 Referans Kwoze

Late 56:6

Amaute kikaikhawmin keimah hong buk uh a, ka gamtatna khempeuh hong encik uh hi. Amaute in keimah thah ding a hanciam uh bangin,

Late 69:4

Thu om lopi-in kei a hong mudah mi, ka lu tunga samzangte sangin tamzaw uh hi. Kei a hong susia ding, zuauthu tawh a hong dote hat mahmah uh hi. Kei’ guk lohpi ke’n loh ding ka hi hiam?

1 SAMUEL MASA 24:11

En in, ka pa aw, ka khutsunga na puantualpi mong en in. Kei tungah khialhna ahi a, kumpi dona ahi zongin a om lohna, na puantualpi mong atkhia napi-in nang kong thahlohna thu tawh thei-in na mu ding hi. Kei thah dingin nong zon hangin nang tungah ka khial kei hi.

Paunak 12:6

Migilote’ thugente mi thahnopna bekbek hi a, midikte’ thugente in lauhuaina sunga om mite a honkhia hi.

Johan 15:25

Amaute’ Thukham sungah, ‘Thu om lopi-in kei hong mudah uh hi,’ ci-in a kigelhna thu a tuntheih nadingin a hici mah ding ahi hi.

Micah 7:2

Leitungah mihoihteng bei khinta a, Pasian’ tungah a thuman mi kuamah om nawn lo hi. Mihoihteng si khinta hi. Mi khempeuh in mi thah ding bek ngaihsun uh a, a kuamah peuh in a mipihte thah ding bek hanciam uh hi.

Sawltak 23:21

Ahi zongin lamkalah Paul a pangsim dingin mihing sawmli val bang om uh ahih manin amaute’ hong ngetna pia kei in. Tua mihing sawmlite in Paul a thahkhit mateng uh anletui a nekloh nadingun kiciamna khat bawlkhin uh hi. Amaute a kithawisa-in om uh a, nangma thupiak ding bek a ngak uh ahi hi,” a ci hi.

Late 38:12

Kei a hong that nuamte in a thang uh zak a, kei’ natna ding a zongte in siatna ding thu bek gen uh a, sunthapai-in khemna bekbek ngaihsutin nei uh hi.

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

1 SAMUEL MASA 26:18

Tua ciangin amah in, “Bang hangin ka topa in a nasempa delh ahi hiam? Bang gamta khial ka hi hiam? Ka tungah bang mawhna om ahi hiam?

1 SAMUEL MASA 24:17

Amah in David kiangah, “Nang pen kei sangin na thuman zaw hi. Keimah in nang tungah a sia kong bawl laitakin nang in kei tungah a pha nong bawl hi.

1 SAMUEL MASA 19:1

Tua ciangin Saul in David thah ding a ngaihsutna thu a tapa Jonathan le a nuai-a ulian khempeuh kiangah a gen hi. Ahih hangin Saul’ tapa Jonathan in David diksa mahmah hi.

Late 140:2

Amaute in a lung sung uhah thusia geelgeel uh a, gal phuang ngitnget uh hi.

Paunak 24:15

Migilote’ gamtat bangin thuman mite’ omna sugawp kei inla, amau’ tenna inn luhgawp kei in.