Late 5:7 - Tedim Bible

⁷ Kei ahihleh a kicing itna kip suangin na inn sungah ka tum ding a, nangmah zahtakna tawh kunin a siangtho na biakinn lam nga-in kong bia ding hi.

Tedim Bible Revision 2017

⁷ Kei ka hih leh a kicing na itna kip suangin na inn sungah ka tum dinga, nangmah zahtakna tawh kunin a siangtho na biakinn lam nga-in kong bia ding hi.

Late 5:7 Referans Kwoze

Late 138:2

Na biakinn siangtho lamah kei ka kun a, na itna kip le na thumanna hangin na min kong phat hi. Bang hang hiam cih leh na dang khempeuh sangin na min le na thu a liatzawkna na lak hi.

Late 132:7

“Ama omna munah va pai ni; ama khengakna-ah va bia ni,” ka ci uh hi.

Late 69:13

Topa aw, ke’n ahihleh nang tungah thu kong ngen hi. A kicing na itna kip tawh a hun hoih ciangin hong dawng in, ka Pasian aw.

Hebru 4:16

Tua ahih manin a kisap hunin, eite a hong huh dingin hehpihna le dikna thupha i ngahtheih nadingin, kimuanna lungsim tawh hehpihna tokhom va zuan ciat ni.

Isaiah 55:7

Migilo in ama gitlohna nusia hen la, thuman lo mi in ama ngaihsutna nusia hen. Amah in a hehpih theih nadingin Topa eite’ Pasian’ kiangah amah paisak un. Bang hang hiam cih leh a mawhna maisiangsak ding hi.

Daniel 6:10

Tua bang thupiakna lai kihawmkhia khinzo ta hi, ci-in Daniel in a theih ciangin a inn-ah a ciah hi. A inn dawl tungnungah Jerusalem lam a nga tawlet thum a om hi. Tua laitakah tawlet honsa-in a hih ngei bangin khukdinin ni khatin thumvei ta Pasian kiangah thu a ngen hi.

Joshua 24:15

Topa’ na na sepnop kei uhleh, Gun galkhat a a na na sepsak uh na pu na pate uh pasian ahi a, note’ tenna gam Amor mite’ pasian ahi zongin, a na na sepsak ding peuhpeuh uh tuni-in teel un. Ahih hangin kei le ka innkuanpihte in ahihleh Topa’ na ka sem ding uh hi,” a ci hi.

Sawltak 9:31

Tua ahih manin Judea gam, Galilee gam, le Samaria gam sunga om pawlpite in bawlsiatna thuak nawn loin nuamtakin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

1 KUMPI MASATE 8:38

mi khatpeuh ahi a, na mi Israel-te khempeuh in ahi zongin amau’ lungsim natna thei-in hih biakinn lamah a khutte hong zanin bangbang thungetna hitaleh bangbang thumna hitaleh hong bawl uhleh,

Isaiah 64:11

Kote’ inn a siangtho le a hoihte, ka pate un nangmah hong phatna munte mei in kang khin a, kote’ mun nuam khempeuh a sia suak khinta hi.

Late 69:16

Topa aw, na itna kip hoih ahih manin kei hong dawng inla, na hehpihna lian a om tawh kizui-in kei’ lam hong nga in.

Late 55:16

Ahih hangin keimah in Pasian’ tungah ka ko a, Topa in kei hong hon ding hi.

Late 52:8

Ahih hangin kei ka hih leh Pasian’ innsunga a om oliv kung a hing tawh ka kibang hi. Pasian’ itna kip ka muang ngitnget hi.

Late 51:1

Pasian aw, nangma itna kip om bangin kei hong hehpih inla, na hehpihna lian om bangin ka thu palsatnate hong phiatkhiatsak in.

Late 28:2

Siangtho pen mun lamah ka khutte hong laamto a, nangma kiangah huhna kong nget mah bangin kong thumna aw hong za in.

1 KUMPI MASATE 8:35

“Nangma tungah hong khialhna hangin vantung kikhakcipin guah a zuk loh ciangin, amaute in hih mun lamah thu ngenin na min hong phawk a, amaute na gimsak ciangin amau’ khialhna panin a kihei uhleh,

Late 130:4

Ahih hangin nangmah hong kizahtak theih nadingin nangmah in mawhna na maisak hi.

Late 34:17

Huhna a ngen dingin thumante a kiko ciangin Topa in za a, a haksatna khempeuh panun amaute a honkhia hi.

Late 101:7

Khemna a zang mi peuhmah keima inn-ah teng lo ding a, zuauthu a gen mi peuhmah keima omna-ah om thei nawn lo ding hi.

Paunak 6:16

Topa in a muhdah, a khahkhong ngei loh ding, thu guk, tua zah bek hi lo, thu sagih tak om a, tuate pen

Paunak 6:17

kihihsakna, zuauthu genna, mawhnei lo mi thahna,